38 (110)

grande fete di torte di marzapan, parcè che al sformât di pes al jere scjars. E al sarês someât pôc elegant se jê si fos servide dal sformât di pes e i ospits no‘nd a vessin vût avonde. No, no voleve che al tocjàs!

Cumò a stavin sentàs a mangjâ ator de taule de verande. Il pari di Milio, la mame di Milio e la piçule Ide.

— Che peste di fantat! Al sarês stât plui facil controlâ un esercit di zupetis! — al disè il pari di Milio.

Al jere di Milio che al fevelave.

La mame di Milio e varês volût cori fûr daurman a cirî il so frut, a dispiet dal pari di Milio ch’al veve sigurât di vê cirût dapardut.

Ma la siore Petrell a disè:

— Se o cognossi ben, come co crôt, Milio al cjatarà par sigûr la strade fin chi!

Dîsint chest la siore Petrell a veve reson. Propit in chel moment Milio al stave passant vie pal so porton. Ma al fo in chel moment che al olmâ alc che lu disvià. Dongje de siore zardin ator, e là dentri, jenfri i arbui di miluçâr, al stave cjaminant un fantat sù un pâr di alts trampui. Al jere Gofrêt, il fi dal sindic. Al lampâ Milio e daurman al finì cun al cjaf in tun baraç di lile. Se tu âs provât cualchi volte a cjaminâ sui trampui, inalore tu capirâs parcè. Nol è une vore facil belançâsi parsore un pâr di pai cussì luncs dome cun tun piçul sostegn

37 (109)

— Mai cognossût un esemplâr cussì brâf a disparî!

al disè Milio. — La prossime volte che o voi in citât lu lassi cjase, parcè che cussì no si pues lâ indenant.

Ma Milio no si pierdè di cûr parcè che so pari al jere sparît. Al jere stât altris voltis in citât e al saveve, plui o mancul, dulà che a jere a stâ la siore Petrell. A veve une biele cjasute blancje cu la verande, di cualchi bande dongje al Cors. Nol veve di jessi impussibil rivâ, al pensà Milio.

La siore Petrell a jere une des sioris plui in viste di Vimmerby, e sicheduncje al jere stramp che a vês invidât a gustà i abitants di Katthult. No crôt che al fos parcè che la mame di Milio a jere solite puartâi lis sôs buinis luianiis. Nissun al rive a tant pes luianiis! No. In ogni câs, la siore Petrell a jere simpri stade invidade, no si sa parcè, a lis fiestis di Katthult. a lis fiestis des cjariesis e a lis fiestis dai gjambarons di aghe dolce, a lis fiestis des tortis di formadi e a altris fiestis, dulà che i vignivin ufiertis luianiis e coradele di purcit e rodui di vidiele e polpetutis e fertaiis e bisat mues e altris robis dal gjenar. E no si pues saldo lâ a lis fiestis di chei altris cence tornà l’invît cualchi volte, a pensave la siore Petrell. « Al à di jessi un pôc di ecuilibri! » si jere dite e cussì a veve sielt propit chel dì di fiere, cuant che i abitants di Katthult e saressin stâts in citât, par invidâju a misdì: e varês ufiert nuie di mancul che sformât di pes e creme di cernicule, a veve pensât. La siore Petrell a veve mangjât prime, tor lis undis, un toc di filet di vidiele e une

36 (108)

sù e jù denant de buteghe dal oresin disesiet voltis e ogni volte a veve tentât di puartâlu dentri parcè che lui j compràs un anel di impromission.

— E se nol mi fos pontât cun ducj e doi i pîts, cuissà mai cemût che al sarês lade a finî! — al contà po Fredo une vore content. Si legrà tal viodi Milio, si capìs. Milio al spesseà a contâi dal cjaval, e a restarin li a suspirâ ducj e doi sul fât che chel cjaval nol sarês mai lât a Katthult. Ma po Fredo al cuistà un cuc di crep a Milio dal vendidôr di vâs che al stave sule place a vendi robis dal gjenar.

— Chest tu lu acetis di part mê come regâl de fiere — al disè Fredo e daurman tal cûr di Milio, dulà che prime a jere tante avilizion, a fo come une sensazion une vore dolce.

— Ben ben, i cucs di crep tu ju sâs comprâ!

— a disè Line. — E cumò, cuant si decidie a rivâ cheste stele comete? Mi somee che a sedi l’ore!

Ma no si viodeve nissune stele comete, e l’orloi al stave segnânt misdì, si che duncje e jere bisugne di spesseà.

Fredo e Line a scugnivin lâ a viodi di Markus e Jullan e mangjà il lôr modest gustà. Cun lôr, a vevin il zeut de gulizion, sule caroce dentri une cosse. Milio ur sarês lât daûr vulintîr, ma al saveve di scugnì gustà de siore Petrell a misdì, e cussì si cjalà ator par cirì so pari. Ma so pari al jere sparît di gnûf! Al jere sparît in tal mieç di che confusion di caramelaris e di scudielârs, tal mieç di chei che fasevin cos e sborfins, ai vendidôrs di balons e ai sunadôrs di organets e a ducj i altris marcjadants de fiere.