80 (152)

e a fissarin spaurîts i trê che a stavin di fûr e a volevin jentrà. Ma Milio al sberlà:

- Dome se o rivarin a tirâus fûr o vignarês al tratament di Katthult,! -

Inalore, di dentri dal Ricovar, si sentii un cisicheç, un businôr, come in tun bôç. A jere une atmosfere miscliçade di gjonde e disperazion parcè che a jerin sierâts dentri e no viodevin la pussibilitât di là fûr,
A chest pont tu ti domandarâs parcè che no vierzevin un barcon e no levin fûr di lee. Nol veve di jessi cussì dificil! Par sigûr no tu âs mai sintût cjacarâ dai barcons doplis. Di Invier no podevin vierzi nissun barcon tal Ricovar dai puars, propit par colpe dai doplis barcons. A jerin ben inclaudâts e incolâts cun strichis di cjarte par che l'aiar nol soflàs dentri pes fressuris.
E inalore cemût si podevie cambiâ aiar a lis stanziis, tu ti domandarâs? Ninin, no sta fâ domandis stupidis! Cui aial dite che al bisugne cambiâ aiar al Ricovar dai puars? Monadis dal gjenar no interessavin a dinissun, parcè che nissun al veve bisugne di plui aiar di chel poc che al rivave par traviers da nape vierte e pai sclaps dai mûrs e dal paviment.
No, chei disgraciâts no podevin là fûr pal barcon!
• Ven a stâi, che al jere un barcon che si podeve vierzi, ma al jere sul cjast da comandante e nissun puar dal Ricovar, cun dute la fan che al podès vê, al varès fât un salt di cuatri metrots par lâ a un tratament. Parcè che al varès