70 (244)

Al fo dome inalore che Milio al scomençà a rifleti sù ce che sô mari a veve dit, che al veve di soterà lis cjariesis tal grum des scovacis. Al jere parbon stramp: a Katthult no si jere usâts a soterà chel che si podeve mangjâ. E chês cjariesis a jerin parbon buinis. Scriç al veve bielzà paradis jù putropis. A Milio al someà clâr che la sô mame a voleve vê lis cjariesis sot tierete tal grum des scovacis dome parcè che a fossin bielzà gjavadis di mieç cuant che so pari al tornave dongje dal cjamp di siale.

« In chest câs Scriç al pues ancje mangjâlis! » al pensà Milio. « Lui che al va cussì mat pes cjariesis! »

Al someave che a Scriç i plasès, in mût particolâr, cheste cualitât di cjariesis. al rugnave di sodisfazion e al mangjà tant che il music i deventà ros. Par rindi lis robis plui facilis, Milio al strucjà lis cjariesis par tiere. Ma inalore al rivà il gjal, che al à volût partecipà a le fieste. Scriç al cjalà cun voli furiôs, ma lu lassà continuâ, e il gjal al becà plui cjariesis che al podè. Inalore a rivarin lis gjalinis cun çumbâ-Lote denant di dutis e à volerin viodi ce goloseç che al ves cjatât il gjal, ma chest no ur fo permetût. Scriç e il gjal lis pararin vie cence compliments, a pene a verin imbusât dentri il bec. Chês pomulis particolarmentri buinis il gjal e Scriç al volevin tignîlis par lôr, al jere evident.

Milio al jere sentât li dongje sul seglot ribaltât. Al stave sivilant cun tun fîl di jerbe e nol pensave a nie. Al fo inalore che al lampâ intun moment, cun so grande sorprese, il gjal colà par tiere. Al fâse putrops tentatîfs par tignîsi sù, ma

69 (243)

tun seglot fûr de puarte de cusine, cuant che Milio e Ide a tornarin a cjase dal cjamp di siale cul lôr zei dal cafè.

Milio, cjape il seglot — a disè la mame di Milio e va a soterâ chestis cjariesis tal grum des scovacis. Milio al lâ, ubidient come che al jere. Ma il grum des scovacis al jere propit daûr dal cjôt, e tal cjôt al jere Scriç che al leve sù e jù. Cuant che al lampà Milio, si metè a rugnâ par fâ capî a Milio che al voleve lâ fûr e stâ cun lui.

• E va ben — al disè Milio poiant il seglot. Al vierç il portonut dal sierai, e cun tune vuicade di grande gjonde Scriç al spesseà a cori fûr. A colp al ficjà il music tal seglot, pensânt che Milio al fos rivât cul mangjâ par
  
  
  

68 (242)

ben, tant ben! anzit, a zontâ .

La mame di Milio a rivave a stent a ricusâ, cuant che cualchidun al domandave alc e cun di plui a jere, come co vin bielzà dit, une valente femine di cjase, che no voleve butâ vie nuie, a veve bielzà secjât plui cjariesis di chês che a coventassin. In doi e doi cuatri, cence savè ben ce che faseve, a imprometè a la siore Petrell di preparâi il vin di cjariesis. Ma la mame di Milio a jere une persone che no faseve nie di scuindon: a disè al pari di Milio, come che a stavin lis robis cun precision, e chescj al bruntulà un biel pôc, ma al distrigà a le fin:

— Fâs cemût che ti plâs! Tant par savê, trop ti àje dite che a paiave?

La siore Petrell no veve dit nie di precîs. Ma il so vin al jere stât a fermentà par putropis setemanis te cantine des patatis, e propit chel 10 di Avost la mame di Milio a decidè che al veve bulît avonde. A jere ore di stravasâlu tes butiliis. Al jere il moment just di fâlu, a decidè, cumò che il pari di Milio al jere fûr tal cjamp di siale e nol varês viodût nie ni si sarês sintût colpevul e corot parcè che a cjase sô si faseve dal vin.

In pôc timp, la mame di Milio a otignì dîs butiliis di vin in rie cun cure su la taule di cusine. Lis varês sistemadis in tune cosse e platadis intun cjanton de cantine indulà che si conservavin lis patatis e indulà che no podevin fâ dam a dinissun. La siore Petrell a podeve vignî cuant che i pareve, a cjoli il so vin.

Lis cjariesis, che a jerin stadis dopradis par fâ il vin, a jerin in

67 (241)

cjariesis, che a jerin cussì tantis, che di strade no varês savût ce fâ di lôr.

— O pensi che a varès di fâ dal vin di cjariesis! — a disè inalore la siore Petrell.

— Oh no, pal amôr di Diu! — a disè la mame di Milio.

No voleve sintì fevelâ dal vin di cjariesis! Katthult a jere un puest par int stratignude! Il pari di Milio nol cerçave mai bevandis alcolichis, nol beveve nancje la bire, infûr che cuant che i vignive ufierte a lis fieris o in lûcs che ur someavin, indulà che no si podeve fâ di mancul. Ce vevial mai fâ se cualchidun al voleve ufrii de bire, une e ancje dôs butiliis? Al calcolave automatichementri che dôs biris a costavin trente centesims, e trente centesims no si puedin butâ vie a la vuarbe. Al veve, in pocjis peraulis, di acetâ di bevi, che al volês o no. Ma nol sarês mai stât dacuardi sul vin di cjariesis, sù chest la mari di Milio no veve dubiis e lu disè a le siore Petrell. Ma cheste a disè che ancje se nissun al voleve bevi vin a Katthult, a podevin jessi chei che no vevin nie in contrari a bevilu. Jê stesse, par esempli, a varês volût tant vê un pâr di butiliis di vin di cjariesis, e parcè inalore la mame di Milio, in grant segret, no varês podût meti a bulî un vâs di cjariesis in cualchi cjanton platât de cantine, indulà che si conservavin lis patatis, indulà che nissun al podeve viodilu? Cuant che la fermentazion a sarès rivade al pont just, la siore Petrell a sarês tornade a cjoli il so vin e lu varês ancje pajat

66 (240)

Line a diseve simpri di Milio:

— No ài mai viodût un bon di inventâsi tantis come chel fantat. Se no lis invente lui, i capitin di istès!

« I capitin ». Line a diseve peraulis santis! La prove di chest e jê chel che al tocjâ plui tart, chel dì stes. I tocjarin robis cussì grandis, che a a stent si pues contâlis, :tant grandis che dute Lönneberga a sberlà e protestà par colpe sô fin a une vore timp dopo. Insome dut al dipendeve dome dal fât che sô mari a jere une cussì brave femine di cjase e che propit chel an, a Katthult, a jere une grande bondance di cjariesis. Ma in nissun mût, Milio al podè calcolâsi responsabil. Lis robis i tocjarin e baste!

La mame di Milio a jere tant ecezionâl che no si cjatave nissune dal stes nivel tal fâ marmeladis, sirops, e conservis di dut chel che al menave tal bosc o tal zardin. a cjapave sù ribis, cernicule e frambue, fin cuant che a veve la fuarce; a preparave la passade di miluçs , i piruçs cun pomulis di barancli a faseve la gjelade di ribis neris e la marmelade di ue grispine e al sirop di marenis e i tignive une vore a secjâ par l’Invier dutis lis pomis che a vevin di servî pes sôs otimis cremis di pomis. A secjave i miluçs, i piruçs e lis cjariesis tal grant for in cusine e po lis peave in sacuts di lin blanc che a picjave al sofit dal camarin: a jere une gjonde di viodi.

Tal cûr de stagjon des cjariesis a vignì a Katthult, in visite di Vimmerby, la civîl siore Petrel1, e in che ocasion la mame di Milio si lamentà des benedetis

65 (239)

cjamese, che al tignive vierte sul pet par vie dal grant cjalt. Al piçul crot al veve i pîts glaçâts e chest al pari di Milio i someave stomeôs Al smenà i braçs dal orôr, ma i tocjà, magari cussì no, di intivâsi te cogume, che si voltà Ma Milio, svelt come un fulmin, le cjapà di buride al svol, in mût che si stranfà dome un pôc di cafè il crot al jere sparît spaurît, al veve continuât la sô strade jù par i bregons dal pari di Milio, e cuant che il pari di Milio si visà, al là fûr dai semenâts Al scomençà a tirà ripadis ator, par fâ lâ fûr al crot de gjambe dai bregons, ma pecjât che la cogume si cjatà di gnûf in tal mieç dai pîts e a cjapà un rip e si voltà e se Milio di gnûf nol fos stât cussì svelt di tornà a metile impins, che a sarês stade, une volte par dutis, une cogume cence cafè, e al sarês stât ben insopuartabil.

Il crot nol intindeve par nuie restâ dulà che al jere. Cun tune vore di bon sens, al saltà fûr dilunc la gjambe dal bregon e Milio si cjapà cure di lui. Ma so pari al jere ancjemò rabiôs al crodeve che la storie dal crot a fos une des solitis baronadis di Milio, e nol jere par nuie vêr. Milio al veve imagjinât che a sarês stade Line a vierzi il zeut e che salacor si sarês consolade tanton tal viodi un piçul crot cussì dolç. O dîs dut chest, parcè che tu capissis che Milio nol veve simpri la vite facile e che a voltis al jere ritignût responsabil di baronadis che no jerin des veris baronadis. Par esempli, indulà varessial pretindût il pari di Milio che lui al tignìs il crot, mi domandi? Considerât che al veve dutis dôs lis sachetis dai bregons sbusadis?

64 (238)

a rivarin masse tart. I tignivin che il cafè al sclapàs propit il minût, cuant che a jere le ore di bevilu.

— Sì, ma al sarà biel cumò concedisi un got! — al disè Fredo che al voleve meti pâs e fâ passâ i gnerfs al pari di Milio. E se ancje tu tu âs partecipât cualchi volte a le mirinde cul cafè sot lis plantis in tune cjalde zornade d’Avost tal prât di Lönneberga, inalore tu sâs trop che al po jessi plasevul sentâsi insiemi sù untun splaç poiantsi su un tun trop di claps grues a cjacarà e bevi cafè tocjant dentri il pan e la spongje e polsâsi. Ma il pari di Milio al jere ancjemò di umôr trist e no i passà parbon cuant che al tirà il zei bande di se e al tirà sù il tapon, parcè che il crot i saltà intor e al sparì dentri la 

 

63 (237)

 

dal cafè. — O ài des busis tes sachetis dai bregons, se mi visi ben. Ancjemò lu tignarai par pôc timp, po al podarà tornà tal so sfuei — al continuà di frut gjenerôs e comprensîf come che al jere.

Lâju tal cjamp di siale il pari di Milio e Fredo a dopravin ognidun il sô falcet, e daûr di lôr a vignivin Line e Nene-Marte, che ristielavin man man insiemi i spîs di siale che colavin dal falcet e ju leavin in braçs. Cussì al lave indenant il lavôr, un timp.

Cuant che Milio e Ide a comparin finalmentri cul zei dal cafè, no vignirin par nuie ricevûts come deliziôs puartadôrs di ufiertis, ma al contrari a vignirin cridâs parcè che

62 (236)

cjaminave mai dret pâl so troi, ma al faseve un sac di zîrs ca e là, indulà che al jere alc di cjalà, e indulà che al leve Milio a leve Ide. Cun di plui Milio al devià par un sfuei indulà che par solit a jerin un grum di crots, e propit inalore al vè la fortune di cjatà un. Che al bramave di studià di dongje; d’altre part i someave che il crot al vês bisugne di un pôc di cambiament e nol dovês restà dute la zornade tal sfuei. Sicheduncje lu metè dentri tal zei dal cafè e al sierà il tapon parsore: cumò al jere sigûr e protet.

• Indulà altri puedio metilu? — al disè Milio, cuant che Ide i domandà se al jere propit just meti il crot tal zei
  

  
  

61 (235)

une barcje sul mâr. Po i butâ intor le aghe cu la pompe e al fâse fente che a fos une barcje sul mâr che a faseve aghe in mût spaventôs, e Ide si bagnà par trop che a jere lungje, robe che i someà une vore divertente. Po Milio al trai cul arc smicjânt come bersai a une scudiele di creme di rabarbar che sô mari a veve poiade sul barcon dal camarin par fâle disfredà. Al voleve provà se al rivave a fà centri. No i jere vignût in tal cjâf che la scudiele si podês. sclapâ, ma cussì a fâse. Inalore Milio si legrà che so pari al fos une vore lontan tal cjamp di siale. Sô mari lu lassà sierât tal laboratori dal marangon par un lamp di timp, sedi parcè che i faseve dûl, sedi parcè che a veve bisugne di mandâlu a puartâ il cafè ai seseladôrs. Al scugnive puartâlu tal cjamp: chest al jere il costum in dute Lonneberga e in dut al Smaland, e dapardut tai cjasâi a jerin i fruts che a vevin di puartà il cafè.

Par dî il vêr i fantats dal Smaland a jerin deliziôs puartadôrs di ufiertis, cui lôr cossuts dal cafè, cuant che vagolavin vie pai cjamps o fra i arbui par trois intorteâts che simpri a menavin a puaris largjuris jenfri i rôi cussì plenis di tombis fatis cui grums di claps che al vignive di vaî. Sì, ma i fantats dal Smalland naturalmentri no vaìvin, parcè che jenfri i claps a menavin une vore di frambue, e a lôr ûr plasevin i frambue.

Ancje Milio e Ide a vignirin mandâts cul cafè chel dì e si meterin in viaç, partint di cjase, par timp e di buine uce cul zei dal cafè plaçât propit par ben jenfri di lôr. Ma cun Milio lis robis a lavin in mût che lui nol

60 (234)

a stavin fâsint zirâ la vecje redine di un bo, e parsore de redine al saltave Scriç tant che i siei çuculuts a sgarfavin la tiere e a svolavin par aiar.

— Si divertîs — lu confuartà la piçule Ide, ma so pari nol fo sigûr.

— I purcits no scugnìn straviâsi — al disè. — A scugnìn deventà persuts par Nadâl, e cun ducj chescj salts al devente sec come un cjan di cjace e jo no vuei savênt!

La robe a fulminà Milio. Persut di Nadâl cun Scriç! La sô imagjinazion no jere rivade a tant. Cumò al tacave a resonâ e a domandâsi se nol jere un di chei dîs li che nol sintive une grande simpatie par so pari.

Al jere martars 10 di Avost, cuant che Milio nol provà tante simpatie par so pari. A jere la matine a buinore di une cjalde zornade di soreli cuant che Scriç al saltave la cuarde sul splaç denant des stalis e il pari di Milio al fâse che osservazion sul persut di Nadâl. Po al sparì, parcè che propit chel dì a scomençavin a bati la siale a Katthult e il pari di Milio al veve di restâ tal cjamp di siale fin a sere.

— Cualsidisi robe tu fasedis, Scriç — al disè Milio cuant che so pari al fo lât — reste sec come un cjan di cjace, che salacor tu puartis fûr la ghirbe, se no.., tu no tu cognossis gno pari!

Milio al passâ dute la zornade tormentât par Scriç e al fâse dome des piçulis semplicis baronadis, che a forin a pene notadis. Al metè Ide tal vecjo laip di len, indulà che si bagnavin i cjavai e lis vacjis: al faseve fente che al fos

59 (233)

Inalore Milio al sberlave « galop » e a colp Scriç si meteve a cori ator des plantis di lile intant che a intervai regolârs Milio al sberlave « Hopp » e inalore Scriç al faseve un salt sù par aiar e po al continuave a cori une vore content di se stes, si viodeve. — Oh, Cemût che al è ninin! — a diseve la piçule Ide, e al jere parbon deliziôs cuant che Scriç al faseve i siei piçui saltis là jenfri lis plantis.

— No è dal sigûr un fât normâl, tratantsi di un purcit — al diseve Fredo

Ma Milio al jere braurôs di se e content: nol jere un animâl compagn di Scriç in dute Lonneberga e in dute la regjon dal Småland, sù chest no jerin dubis.

Prime pussibil Milio al insegnà a Scriç ancje a saltâ la cuarde. âstu mai viodût un purcit saltâ la cuarde? No, dal sigûr che no tu lu âs mai viodût, e no lu veve mai viodût nancje il pari di Milio.

Ma un dì intant che al vignive jù dilunc la rive che a cjale lis stalis, lui al lampâ Milio e Ide che

58 (232)

no si e puedin intaiâ simpri pupaçs di len. Si metè invezit a inscuelâ Scriç in ducj i tipots di esercizis, dal gjenar che nissun in dute Lonneberga al veve mai insumiât che un comun purcitut dal Smland al podês imparâ. Milio lu faseve in grant segret, e Scriç al jere adatevul e une vore sodisfat di dut, soredut parcè che ogni volte che al imparave alc di gnûf al cjapave alc di bon di Milio. Milio al veve une proviste di galetis, biscots, cjariesis secjis e altris robis di mangjâ in tune cassele segrete daûr dal banc, sì, parcè che nol saveve mai cuant che al sarês finît tal laboratori dal marangon, e nol voleve stâ li a zunâ a stupit vie.

— Cun tun pôc di inzen e cualchi cjariese secje si pues insegnâ a un purcit chel che si vûl! — al spiegave Milio a Fredo e Ide: a jere une sabide di sere cuant che ur mostrà lis abilitâts segretis di Scriç, che fin inalore nissun al veve amirât. Al capità jenfri lis plantis di lile, e al fo un grant moment sedi par Milio che par Scriç. Fredo e Ide a jerin sentàs sù tune bancjute e a discocolavin i voi pe sorprese denant a lis straordenariis reazions dal purcitut. No si jere mai viodût un purcit come chel. Al saveve stâ sentât a pinel come un cjan, cuant che Milio al diseve « sentât » e stâ distirât come un muart cuant che Milio al diseve « Distirât » e al saveve dâ la talpe a man drete par ringraciâ, cuant che al veve ricevût lis cjariesis secjis.

Ide a bateve lis mans de gjonde.

— Ce saial fâ ancjemò? — a domandave ecitade.

57 (231)

cjariesis a madurivin di strade sul cjâf di Scriç, intant che al stave a fâsi russâ. Ogni tant Milio al tirave jù un pugn di cjariesis e gjes ufrive, parcè che a Scriç i plasevin lis cjariesis e i plaseve ancje Milio, dal sigûr! I someave simpri plui clâr come che a pues jessi biele la vite di un purcitut, se al finis in tun puest indulà che al è un Milio.

Ancje Milio al voleve ben a Scriç, ogni dì simpri di plui, e une volte che al jere sentât sul niçul dut impegnât a russai la schene, al scomençà a pensâ trop che i voleve ben e a cui che al voleve ben di plui. al mont.

« Prime al ven Fredo » al pensà « e po Luche, e po Ide e daurman dopo Scriç.., ma, ohi, o ài dismenteât la ma... al è clar che la mame... si capîs ... ma po al è Fredo e Luche e Ide e Scriç »

Al incrosà lis ceis e al pensà a dilunc.

« E po a vegnin al pai e Line » al pensà. « Beh, al pai o vuei ben cierts dîs sì e cierts no. E Line, beh no sai se i vuei ben o no i vuei ben.., chi e à plui o mancul il puest de gjate! »

Milio al continuave naturalmentri a inventâ des baronadis cuasi ogni dì, e sicheduncje al stave sentât in mût costant in tal laboratori dal marangon, secont ce che al risulte dai cuaders turchins di chel timp. Ma la mari di Milio a veve premure tal mieç dal timp di racuelte, reson pe cuale a voltis a scriveve dome « Milio in tal laboratori dal marangon » cence pandi il parcè.

Intant Milio al veve scomençât a puartâ cun se Scriç ogni volte che al jere sierât in tal laboratori dal marangon, parcè che in compagnie di un biel purcitut il timp al côr plui svelt,

56 (230)

— Chel scriç di purcitut, O crôt propit che se puarti fûr! — a comentave Line.

« Scriç e scriç » e disevin, e fin cuant che al vivè, il purcitut al fo clamât dome cussì.

— Sì, se puarte fûr parbon! — al disè il pari di Milio. — tu sês stât parbon brâf, Milio!

Milio al fo content di sintî le laude di so pari, e i domandà di pueste:

— Tropis voltis varaio di salvâi la ghirbe prime di vêlu in regali?

A chel pont il pari di Milio al fâse dome «. hmm » cun tun ton seri, e Milio al restà cidin e nol vê plui iniment il purcitut par un pôc di timp.

Scriç, cumò al jere tornât a vivi tal cjôt, ma nol restave une vore vulintîr lì dentri. Al veve miôr stâ daûr di lui, di Milio propit come un cjan, e Milio lu lassave cori libar cuasi ducj i dîs.

— Al crôt che tu sedis la sô mame — a diseve la piçule Ide. E salacor Scriç lu crodeve parbon, parcè che a pene che al olmave Milio al rivave di corse mandânt fûr berlis di gjonde une vore fuarts e acûts . Al voleve stâ cun Milio e jessi russât soredut su le schene, e Milio al jere simpri a disposizion.

— Par russâ i purcituts, o ài la man contente — al diseve. E si sentave cuiet sul niçul sot il cjariesâr a russâ Scriç a dilunc e ben, e Scriç al stave li cui voi sierâts e al rugnave dome un pôc par fâ capî che se passave ben.

I dîs di Istât a vignivin e i dîs di Istât a levin, lis

55 (229)

vês puartât in cusine e no i vês fât il jet in tun cos cun tune cuviertute morbide e no lu vês dât di tete cul biberon e nol fos stât par lui in ducj i sens come une mame.

Fredo al jentrave simpri a viodi chel che Milio al stave fâsint par nudrî chel puaret e al domandave:

— Cemût vadial il purcitut?

— Al è maledet e nol vûl mangjâ — al rispuindeve Milio.

— Ah sì? E parcè isal rabiôs? — al domandave Fredo. — Ma Milio al continuave a pandi che il purcitut nol jere rabiôs, ma dome debil, parcè che al veve une maledizion sul cjâf .

— Ma jo la vinçarai — al sigurave Milio. — chest purcitut lu tignarai in vite jo, lu ài risolût.

E cussì al fo te realtât. Nol passâ une vore di timp prime che il purcitut al deventàs gaiarin come un nassiint e clâr, taront e colôr di rose propit come che al à di jessi un purcitut.

54 (228)

purcitut sorevivût: ve ca il risultât de aste di Backhorva. Imagjinâsi se nol jere jù!

— A Backhorva a son miseriis e disgraciis! — al disè a le mame di Milio la sere te lôr cjamare di jet, prime di durmî. — A jê une maledizion sù dutis lis lôr bestiis, nol è dubi!

Milio al sintì chestis peraulis lâju dal so jet e al metè daurman fûr il nâs oltri al ôr dal jet.

— Puedio cjoli jo il purcitut? — al disè. — A me no mi impuarte nie se al è maledet.

Ma chel discors nol plasè al pari di Milio.

— Tu, tu âs simpri di vê e vê — al disè cun marum. — E jo inalore? No ài mai di vê nie?

Inalore Milio al tasè e par un biel pôc nol vè iniment plui il purcitut. Si tratave, dal rest, di un purcitut specialmentri disfortunât, sec, bluat e frêt, cence une vore di fuarce vitâl. A jere dal sigûr la maledizion che i veve gjavât fûr lis fuarcis, al pensà Milio, e al pensà che al jere teribil che alc di simil al podês capitâ ai purcituts che no vevin fât nie di mâl.

Ancje la mame di Milio a jere de stesse opinion.

— Puar scriçut! — a diseve, parcè che cussì si dîs intal Småland se si prove dûl par cualchidun che al è piçul.

Ancje Line a veve il cûr tenar pai nemâi e in particolâr mût par chel purcitut.

— Puar piçul scriç di purcitut! — a diseve. — Al murirà di strade.

E al sarês di sigûr lade a finî cussì, se Milio no lu

53 (227)

Martars 10 di Avost: cuant che Milio al metè al crot tal zeut dal cafè e po al cumbinà chestis baronadis che al è intrigôs contâlis.

In fin dai conts il pari di Milio al faseve un pôc dûl .Il so fantat al veve fât un bon afâr dopo chel altri, invezit lui al jere tornât a cjase de aste cun tune sole scrove. Che oribile bestie po a veve fât undis purcituts, di gnot cuant che nissun sal spietave e a ‘nd veve copâts dîs a muardudis, parcè che tantis voltis lis scrovis a fasin cussì. Il diesim prin purcitut al varês daurman fât la stesse fin se Milio no lu vês salvat. Al tocjâ che Milio si sveà di gnot cul mal di panze e al scugnì là fûr e, passânt denant dal cjôt, al sintì un purcitut ciulâ là dentri come un danât. Milio al vierç la puarte e al rivà propit al ultin secont. Al ultin moment lui al puartà vie l’ultin purcitut de mari feroce, sì, a jere propit une scrove triste, ma ancje jê si inmalà pôc dopo di cualchi stranie malatie e al tierç dì a murì. Il puar pari di Milio al restà cun l’unic

52 (226)

benedizions de int di Backhorva, e si metè a pensà gnovis baronadis.

— O pensi che o varês di lâ plui atôr pes astis!

— al disè tornânt a cjase — no tu crodis, pai?

So pari al murmuià une rispueste, ma nissun al sintì ce che al disè.

Ma dute la domenie si sere — dopo il cafè de glesie Milio al restâ, cemût che a disevin prime, tal laboratori dal marangon, e al intaià il so cent e trente vôtesim pipinot di len, prime di visâsi che a jere domenie e che no si veve di doprà il curtìs; al jere un pecjât mortâl. E ancje no si veve di gjavâ dincj, ni piturâ nissun di blu. Milio al poià il so pipinot di len sul plan, jenfri chei altris. Al stave sentât sul çoc che al servive par sclapâ i lens, intant che il crepuscul al calave fûr dal barcon dal laboratori dal marangon, e al pensave ai siei pecjâts. A le fin al tignì sù lis mans e al preà:

— Benedet Diu, fâs che jo la finissi cu lis mes baronadis! O ài il plasê di invidâti Milio Svensson, Katthult, Lonneberga.

51 (225)

— Par cuarante coronis o pues comprâ une mieze vacje! — al disè il pari di Milio al pastôr di animis, cun tun lizêr ton di cridade.

A chel pont Milio nol rivà plui a controlâsi, platât, dulà che al jere, te cassele dai lens. Al tirà sù il tapon e al tirà fûr al cjâf, roseât de curiositât.

— Se tu compris une mieze vacje — al disè — ti plasaressie vê la mieze denant che a mungule o la mieze di daûr che a mene la code?

— Va tal laboratori dal marangon, Milio! — al disè il pari di Milio.

E Milio al lâ. Ma prime al cjapà cuatri biei biliets di dîs coronis dal pastôr di animis, e la dì dopo al là a cjaval a Backhorva, al tornà la letare di Adrian al petâ la metât dai biei bêçs, e al tornà a cjase sô, compagnât des

50 (224)

a colp a comparì la piçule Ide su la puarte, daûr di Nene-Marte, blu cui cerclis blancs ator dai voi, in cjamese di gnot.

— O soi jo — a disè la piçule Ide, ridint par so cont contente.

Ducj a tacarin a ridi, ducj infûr che il pari di Milio. Lui si limità a dì cjalcjânt lis peraulis:

— Dulà isal Milio?

Ma Milio al jere sparît. No si fâse viodi par dut il timp che i ospits a cjolerin il cafè.

Dopo il cafè il pastôr di animis al là in cusine a consolâ Nene Marte che a jere sentade là, stiçade e avilide parcè che no si tratave di vêr tif. Cussì al tocjà al straordenari avigniment. Il pastôr di animis cuant che al vê finît di consolâle, al lampà il pacut di letaris di Milio, che al jere butât suntune cjadree.

Il pastôr di animis al petà une esclamazion e al cjapà la letare americane di Adrian.

— No, nol è pussibil che voaltris o vidiis propit chel bol che jo o ài cirût cussì a dilunc!

In efiets il pastôr di animis al jere colezionist di boi e al saveve ce che a valessin i boi rârs. Dal lamp al ufrì cuarante coronis pâl bol che al stave su le letare di Adrian.

Il pari di Milio al saltà tal sintî la spaventose sume su biei bêçs: pense, paiâ cuarante coronis par chel tocut di cjarte! Al niçâ al cjâf cuasi rabiôs... dal sigûr, a jere la solite fortune di Milio! Cumò a vignive fûr che il vecjo satûl di vilût al jere stât ancje chel un bon afâr, il miôr di chei faats di Milio la dì prime a le aste!

49 (223)

E a pene ducj a forin dismontàs di caroce de bande des stalis, si inviarin, seneôs di cafè e impazients, bande la cjase. Ma su lis scjalis a stave Nene-Marte, che a sberlave cun vôs a sclopecûr:

— Scjampait vie! scjampait vie! O vin il tif in te colonie! Ducj si fermarin dal lamp stufs e spaurîts, ma la mame di Milio a disè:

— Ma ce stâstu disint? Cui aial il tif?

48 (222)

di un culôr bluat cuintri il cussin blanc, inalore Nene Marte a petà in tune alte berlade:

— Pal amôr di Diu...

— Al è tif — a disè Milio, cun tune piçule sgagnide. In chel moment al è rivât de strade il rumôr des carocis. A stavin rivânt de glesie, il pari e la mari di Milio e ducj i lôr ospits, cul pastôr di animis par prin.

47 (221)

Propit inalore Nene-Marte a stave vignînt fûr dal bosc e al porton di Katthult a incuintrà Line, che a tornave a cjase de sô visite a Tin Fari. — Cemût vadie? — a disè Nene-Marte cun interès. — fâsie ancjemò mâl il dint?

— No sai — a disè Line.

— No tu lu sâs? Ce vûstu dî?

— No lu sâi, parcè che cumò al è te scarpade de scovacis di Tin Fari, chel stupit di un dint! Ma o speri che al patissi ancjemò tant di berghelâ là dentri!

Line a jere contente e no jere plui sglonfe come prime. A lâ a fâ viodi la buse dal dint a Fredo sot dal piruçâr, e Nene-Marte continuà bande la cusine par scomençâ a preparà il cafè. A sintì i fruts te cjamare di jet e a pensà di saludâ la piçule Ide, che a jere la sô preferide.

Ma cuant che a lampâ la sô preferide distirade jù intal jet cu la muse

46 (220)

par cjatâ alc che a podeve judâlu a dâ il culôr just de malatie a Ide. Insom, tal scritori, al jere il calamâr de mame, chel che jê a doprave par scrivi cun cure lis aventuris di Milio tai siei cuaders, o par scrivi lis letaris d’invît al cafè de domenie . Ancje la brute copie da ultime letare di invît si cjatave propit sul scritori. Milio al lei « àn il plasê » e al amirà sô mari che a jere cussì inteligjente di scrivi e esprimi dut cussì ben. A jere ben altre robe di chel Adrian che al jere dome bon di tirà fûr che al veve « viodût un ors »

Aromai sô mari no veve plui bisugne di che brute copie e cussì Milio al imbalà il sfuei a balute e al imbombà la balute tal calamâr, e cuant che la cjarte si fo imbombade di ingjustri, la tirâ sù e tignìnle cun tune pinze si tirà dongje a Ide.

— Cumò, Ide, tu viodarâs cemût che al è il tif — al disè, e Ide a riduçà contente.

— Siere ben i voi, che no ti vadi l’ingjustri dentri — al disè Milio e al piturà la piçule Ide biele turchine sù dute la muse, ma judiziôs come che al jere, nol piturà ator dai voi, indulà che al lassà il culôr naturâl in tun pâr di grancj cerclis blancs e chescj cerclis blancs in tal mieç al blu a darìn a Ide un aspiet cussì spaventosementri malât che Milio al vê pôre.

— Uhhh! — al disè Milio. — Nene-Marte a à reson, il tif a jê une teribile malatie!

45 (219)

E si sintì propit un piçul « ploff », ma al fo cuant che il claut di cinc centimetris si distacà dal cuviert.

Line a jere distirade tal grum di stran cul dint tal so puest e il claut picjât di che altre bande dal spali.

A fo inalore che si inrabià cun Milio.

— Baronadis e esperiments , ve ca ce che tu sâs fâ, ma no tu rivis nancje a gjavâ un dint!

Al fo un ben par Line jessisi rabiade, parcè che in plen furôr a là drete di Tin Fari il fari-gjave dincj (in ta che volte nol esisteve il miedi dentist come in dì di vuê). lui al grampà il dint cu tun pâr di tanais di fâ pôre e cun tun « ploff » lu gjavà e Line lo butà furiose su la scarpade de scovacis e po a tornà a cjase.

Che nissun al crodi che intant Milio al restàs cence fâ nie. Fredo si jere distirât a durmî su la jerbe sot il piruçâr: Cun lui, pâl moment, no si podeve divertî. Sicheduncje si ritirà te cjamare di jet cu la piçule Ide. Al pensave di zuiâ un pôc fin che la mame e il pari no tornavin de glesie e al sarês scomençât il cafè de domenie .

— O podìn zuiâ che jo o soi il miedi di Mariannelund — al disè Milio — e tu une frute piçule malade che jo o ài curâ.

Ide a consintì daurman. Si discrotà e si metè tal jet, e Milio i cjalà al cuel, a metè l’orele ae casse dal stomi, e fasè cun precision come il miedi di Mariannelund.

— Ce malatie aio? — i domandà Ide.

Milio al pensâ parsore. E a colp al savê.

— Tu âs il tif! — al disè. — une teribile malatie.

Inalore si impensà ce che a veve dit Nene-Marte

che par vie dal tif un al devente blu in muse —.

E precîs come che al jere in chestis robis, Milio si cjalâ ator

44 (218)

restà li sul ôr dal cjanton dal cuviert, vongolânt lânt indevant e indaûr come un pin al vint, e la piçule Ide si taponà i voi parcè che no olsave cjalà.

— Ohiohiohi! — a sangloçave Line. — Ohiohiohiohi! A veve di jessi di fâ pôre saltâ dal cuviert de stale ancje cence un sôl dint in bocje, e cumò che a saveve che al sarês rivât un teribil « ploff » tal biel mieç dal svol, a jere plui di ce che un uman al podês sopuartâ.

— Salte, Line! — al sberlave Fredo. Salte, fuarce!

Line si lamentave e sierave i voi.

— Spiete che ti judi jo! — al disè Milio, zentîl come che al jere. Al bastà un sempliç indiç cuintri la schene di jê, semplicementri poiât, e cun tune berlade salvadie, Line a colà jù dal cuviert.

43 (217)

— Une robe cussì spaventosementri strambe, dome tu tu sês bon di inventâle! — a disè, continuant a stà sentade testardementri su lis scjalis de cusine

— Beh, provin ancje se mi costarà la vite!

Fredo al poià di buride une scjale cuintri al mûr de stale, e Milio si rimpinà parsore Tignint cun mût risolût al spali, al strissinave Line daûr di se come un cjan al sguinçâl e Line a stave daûr ubidiente, ancje se jenfri lagrimis e laments

Milio al puartà ancje il martiel e un grues claut di almancul cinc centimetris e a pene al vê inclaudât in mût salt il claut in tal cjanton dal cuviert, al fissà ancje al spali e Line cul spali e dut al fo a puest.

— Salte cumò! — al disè Milio.

La puare Line covade si sburtave in fûr cul cjâf oltri al cjanton dal cuviert, a cjalave jù tal vueit e si lamentave di gjavâ vie il cûr. Lâju a olmave Fredo e la piçule Ide cu lis musis voltadis bande i nûi e bande di jê: sì, cumò a spietavin di viodile rivâ dal cîl come une comete e vignî jù sul grum di stranc... I laments di Line si faserin ancjemò plui disperâts.

— No ài il coragjo, nol è nuie di fâ, no ài il coragjo!

— Dal sigûr, se ti plâs tegniti il to dintat, Fâs ce che tu ûs!

— al diseve Milio.

Inalore Line a scomençà a urlâ, tant che si sintive par dute Lonneberga, po si tirà su lis gjambis tremantis e a

42 (216)

A chel pont Line a sberlà:

— Baste! no vuei!

E svelte come un lamp a tirâ fûr un pâr di forculis che a veve te sachete dal grumâl e cun chês a taçà al spali.

Fât chest si vergognà di gnûf e si acupà, parcè che a voleve liberâsi dal dint. Il dut al jere avilent. Milio, Fredo e la piçule Ide no jerin par nuie contents, e Milio al disè:

— Reste pûr chi sentade, tu cul to dintat! O ài fât dut il pussibil!

Inalore Line a disè che se Milio al voleve provà ancjemò une volte, a zurave su le sô vite che no varês fât altris stupidadis.

— Parcè che cumò al à di colâ, a cost di murî jo stesse! — a disè Line. — Ven chi cun un altri spali!

Milio al acetà di tentâ ancjemò, intant che Fredo e la piçule Ide a jerin ducj tirâts a scoltâ.

— O crôt in ogni câs che il mût brusc al sedi il miôr — al disè Milio — ma al à di jessi argagnât in mût che tu no tu puedis ruvinâlu, ancje se tu âs pôre.

— E, siôr d’inventive come che al jere, Milio nol metè une vore a decidi cemût che a vevin di lâ lis robis.

— Ti metin sul cuviert de stale, tu saltis jù sul côl dal fen che al stâ sot, e po cuant che tu sês a mieze strade, il dint si distache, « ploff »!

— « Ploff! » — a disè la piçule Ide a sbalçave. Ma a dispiet di dut chel che a veve prometût, Line cumò si refudave e no voleve lâ sù sul cuviert

41 (215)

Disint cussì, al cjapâ sù al spali, che ancjemò al pendolave de bocje di Line e lu puartà fin a le piere di uçâ, indulà che Fredo al uçave la sô see e il pari di Milio lis sôs manariis e i siei curtìs. Milio al leà al spali ator de bree che a faseve zirâ la piere. Nol restave altri che scomençâ la manovre!

— Cun chest sisteme nol sarà un « ploff » a sec, ma dome un « drrrrr » lent cemût che tu lu volevis tu!

— al disè Milio.

La piçule Ide si sgrisulà di pôre, Line a sberlà e si lamentà e Milio al scomençà a zirâ la leve. Al spali, che prime al jere fât sù par tiere, si scurtà e si slungjà simpri di plui, e plui si tirave, plui Line a jere spauride, ma cori no podeve dal sigûr.

— Cumò al tache a fâ « drrrrr »! — a disè la piçule Ide. 

 

40 (214)

a mont, ma aromai al jere masse tart. Vê le di gnûf sentade su le scjale de cusine, cul dint tal so puest e l’aiar sdrumât. Ma Milio no si petâ par vinçût.

— O âi di cjatâ un altri sisteme! — al disè.

— Bielzà, un che però nol va cussì svelt! — i domandà Line suplicante. — Chel galiot di dint nol à bisugne di lâ fûr cun tun « ploff »: tu puedis fâlu vignî fûr ancje culis buinis!

Dopo vê rifletût un moment, Milio al savè cemût che al veve di lâ indenant.

Line a veve di sentâsi par tiere sot dal grant piruçâr, e intant che Fredo e Ide a cjalavin curiôs, Milio la leà ben al tronc cun tune cuarde gruesse.

— Nol è pericul che tu coridis masse! 

 

39 (213)

E Milio al fasè come che al veve dit. Al puartà Luche fin denant de scjale de cusine e cuant che le operazion spali a fo finide, al montà a cjaval. La puare Line a dave sù in sbrocs e laments intant che a stave peade daur de code dal cjaval e la piçule Ide a tramave, ma Fredo al diseve sodisfat:

• Cumò no nus reste che spietâ il ploff! “.
• e Milio al partì al galop.
• - Oh! Oh! Oh! Tra un moment o sin! -

Ma nol fo cussì. Parcè che al partì al galop ancje Line. A veve une pôre mate ploff!” dal “ che al sarès rivât cuant che il spali si tirave propit al massim e par chel, cjapade di une angosse mortâl ma a coreve a le stesse velocitât di Luche. No servive a nie che Milio i sberlàs di lassà sta: Line a coreve, il spali nol jere in tension e nol fo mai un “ploff!”.

Ma aromai Milio al veve decidût di judà Line a disfâsi dal dint e si jere metût di inzen. E alore al acelerà in direzion de palade, che Luche al superà cun tun salt.

Daur a vignive Line dal dut voltade di cjâf pal terôr e ancje jê a saltà nie di mancul che la palade. La piçuile Ide che stave a cjalà no varês mai dismenteât chel spetacul. Par dute la so vite si sarès visade di cemût che Line cu le muse sglonfe a balon, i voi dilats pal terôr e il spali picjât fûr de bocje a veve passade la palade e sberlânt:

• Fermiti! Fermiti! No ài voe di savê dal “ploff!”.

Dopo Line si vergognà di vè mandât dut a

38 (212)

A jerin Fredo e la piçule Ide impotents.-

Tu varessis di lâ cence altri li di Sme – Pelle! Al diseve Fredo.

Sme Pelle al jere il fari di Lonneberga: al jere lui che al gjavave i dincj che a fasevin mal ai abitants di Lonneberga, cun lis sôs tanaiis grandis e spaventosis.

• Trop cjolial par gjavâ un dint? - a domandave Line tra i suscj.
• - Cincuante centesims a ore – al disè Fedo, e Line a saltà tal capî trop che gjavâ un dint al fos lunc e cjar.

In tun lamp di meditazion, Milio al rivà a une conclusion:

• O soi sigûr che o pues gjavâti il dint plui di corse e a bon marcjât. O cognòs il sisteme. - al disè.

E cussì al spiegà il sisteme a Line, a Fredo e a le piçule Ide.

• Jo o ài bisugne di dome dôs robis; Luche e un spali lunc e resistent, O met il spali ator dal dint di Line e po o sburti Luche al galop e, “ ploff” il dint al partîs!
• - “ Ploff” sigûr, tantis graciis! A disè Line indignade – Chi cun me no si galope! -

Ma propit in chel moment il dint i fasè ancjemò plui mâl di prime, e Line a cambià parè. A mandà fûr un suspîr profont.

• Provin, a ogni mût che Diu mi judi, puarete jo! - a disè e a lee a cirì il spali.

37 (211)

— Al è rivât il tif a Jönköping — a disè, prime ancjemò di dî bundì a Milio, e i ficjà il gjornâl sot i voi, prime ancjemò che lui al podês viodi. Just! Al jere scrit che doi abitants di Jönköping si jerin inmalâts di tif perniciôs e Nene-Marte a faseve mot di sì cul cjâf, contente.

— Il tif al è une malatie teribile! — a disè. — E di strade a rivarà a Lönneberga, crodimal!

— Parcè? Cemût puedie rivâ chi? — i domandà Milio.

— Al svole come il polin des talis sù dut al Småland intant che tu tu stâs chi cuiet — a spiegà Nene Marte— Semence di tif a chilos, e Diu al judi chel li che al à inlidrisât!

— Cemût isal? Pressapôc come la peste? — i domandà Milio.

Nene-Marte i veve contât de peste: e al jere al corint di dutis lis malatiis e calamitâts di chest mont e la peste e jere alc di di fâ pôre, jê a veve dit, che une vore di timp prime a veve inmalât cuasi dute la popolazion dal Smaland.

Nene-Marte a medità un moment.

— Sì, e jê Pressapôc come la peste — a disè esultant. — No sai avonde, ma mi somee di visâmi che prime si devente blu in muse e po si crepe. Bielzà, il tif a jê une orende malatie, ce no!

Po a sintì dal mâl di dincj di Line, de sô muse disfigurade tal biel mieç dal cafè de domenie e imprometè di lâ a Katthult a pene pussibil.

Milio al tornà a cjase e al cjatà Line sentade su lis scjalis de cusine, dute in zemudis pal mâl di dincj, e dongje

36 (210)

Se tu tu âs cjaminât cualchi volte in tun bosc dal Småland une domenie matine di buine ore, tal mês di Jugn, no tu puedis jessiti dismenteât. Si sint il cuc che al cjante, lis vôs flautatis dai mierlis, il troi sot dai pîts al è biel slis e il soreli ti scjalde in maniere plasevule la schene. Tu cjaminis e ti plâs l’odôr de resine dai peçs e dai pins e tu viodis lis rosis des trisculis di bosc vignî fûr blancjis tes largjuris. Cun precision cussì al jere par Milio e sicheduncje lui nol veve nissune premure. Cun dut achel al rivâ a le fin a le cjasute di Nene Marte, che si jevave piçule, grise e cjadinte e si olmave a stentis vie par i peçs.

Dentri a jere Nene-Marte a lei il « Gjornâl dal Småland » spauride e contente intal stes moment di alc che al jere scrit.

35 (209)

moment che a jentrà Line e cuant che la lampà, al soflà cussì fuart dentri de tace che il lat al traviersà la taule e al là a finî sul biel gjilè de domenie dal pari. Ancje de bande di Fredo si sintì une lizere ridaçade; sì, al jere parbon un pecjât par Line! La mame a cjalà di brut cei in maniere severe Milio e Fredo e a disè che nol jere par nuie une robe di ridi, ma intant che a suiave il pari di Milio, a cjalà di gnûf Line e i scjampà une stranie espression:

a veve l’aiar di capî parcè che Milio al jere sbrocat in chel mût. dal sigûr, però, che Line i faseve un grant dûl. — Puare piçule! — a disè. — No tu âs un aspiet normâl, no tu puedis fâti viodi in public. Milio, cor di Nene-Marte e domandigji di vignî a judânus a servî il cafè!

Bevi il cafè la domenie dopo la messe, a jere une robe che plaseve a Lönneberga, e sicheduncje ducj si jerin indalegrâts tai cjasâi dulintor, cuant che e jere rivade la letare de mame di Milio, indulà che al jere scrit:

Preseâts Sioris e Siôrs,

Alme e Toni Svensson di Katthult, Lonneberga, a àn il plasê di invidâus a cjoli il cafè, domenie che vên, dopo la messe.

A jere ore di lâ in glesie. Il pari e la mari di Milio si inviarin, par vie che al è clar che vessin di lâ a messe, prime di podê cjoli un cafè « dopo la messe ».

E Milio al là ubidiente di Nene-Marte. A jere une biele matine, e lui al siviluçave content tal percori la stradele che a puartave a le cjasute di Nene-Marte che a jere a stâ in tune vecje tignude sù tal bosc.

34 (208)

de muse putropis, parcè che a pene si fo sentade sul scagn de molzidure a rivà une jespe e la becà su le muse çampe. A varês vût di jessi contente, tu pensaras, parcè che la muse çampe si sglonfà di buride e si fâse gruesse come la muse a man drete. A veve otignût chel che a voleve:

vê la stesse muse des dôs bandis. Invezit a vaì plui di prime.

A jere daûr a tornà di vore a cjase, cuant che a jentrà in cusine, ducj a jerin sentàs a taule pe prime gulizion e ti siguri che a discocolarin i voi tal viodi che robe sglonfe e rosse di lagrimis ehe a comparì a colp su le puarte e a veve di rapresentà Line. Puarine, al vignive di vaî a viodi come che a jere ridusude! Sicheduncje nol fo zentîl di bande di Milio sclopà a ridi. Al stave puartant la tace di lat a le bocje tal

33 (207)

Domenie 13 di Jugn: cuant che Milio al inventà trê sistemis par gjavâ vie il masselâr di Line e po al piturà la piçule Ide di culôr blu.

Lis vacjis a vevin di jessi molzudis, che al fos domenie o un dì di vore. A lis cinc di matine a sunà la svearine in cusine, e Line a clupignâ fûr dal jet dal dut instupidide dal dolôr. A butà une voglade tal spieli parsore il comò e a petà fûr une zigade tremende. Diu nus vuardi, cemût che a jere cumbinade! La muse a man drete a jere sglonfe come une fuiace ben jevade. No, al jere masse teribil! Line a scomençà a vaî.

A faseve parbon dûl, parcè che propit chel dì cuasi ducj i abitants de zone a vevin di vignî a Katthult pâl cafè dopo la messe.

— E jo no pues fami viodi, cun tune bande de muse diferente di che altre! — a murmuià Line e si invià fricuçânt a le molzidure.

Ma no a veve di avilîsi a dilunc pes dôs bandis

32 (206)

A Backhorva ducj mantignivin il cidin in proposit.

— Salacor cumò o rivarin a savê ce che al à scrit!

— al disè Milio, un frut cussì in gjambe che di bessôl al veve imparât a lei par corsîf e par stampatel.

al vierzii la letare e la leii a vôs alte a Fredo. A fo robe di pôc, parcè che a jere une letare curte. Al jere scrit cussì:

« O âi viodût un ors. Mandait il vuestri recapit. Gudbay [goodbye] par cheste volte! »

— O podarai doprâ a stent cheste letare — al disè Milio.

Ma cheste a jere une robe di viodi!

A jê rivade la sere. Sabide 12 di Jugn si stave inviant a le fin, la gnot a calave sù Katthult in pâs e cidin par ducj chei che a jerin a stâ là, int e nemâi. Par ducj, infûr che par Line che a veve mâl di dincj. A jere svearine tal sofà jet de cusine; a zemeve e si lamentave, intant che la curte gnot di Jugn a vignive e a leve e fo di gnûf dì.

Un gnûf dì ancje te vite di Milio!

31 (205)

Le uniche robe che il pari di Milio al podeve lamentâsi, a jere che vecje scjatule di vilût, che no jere di nissune utilitât, ma che la piçule Ide i voleve une vore di ben a fuart. A meteve dentri il vignarûl, lis fuarpiis, e un libret di salms che i vevin dât a le scuele de domenie , e un biel toc di veri turchin, e la so gale rosse pai cjavei. Cuant che a veve ricevût la scjatule, al jere dentri un pacut di vecjis letaris, che jê a veve daurman butât par tiere. Ma cuant che Milio, liberât dal laboratori dal marangon, al jentrà in cusine chel sabide di sere, a lampà il pacut di letaris butât intun cjanton e lu cjapà sù. Fredo si zirave ator di che bandis cun tune palete pes moscjis e al sfracaiave moscjis a dut podê, in mût che Line a podês vê la cusine cence moscjis pe domenie, e, ve ca che Milio i mostrà il pacut di letaris

— Al pues simpri deventà util — al disè Milio — Se mi tocje di scugnì mandâ des letaris, chi o ài un grum bielzà scritis!

Parsore a jere une letare de Americhe, e Milio al sivilà tal viodile.

— Cjale, Fredo! Tu viodarâs che chi o vin une letare di Adrian!

Adrian al jere il fi plui grant di Backhorva, che al jere partît pe Americhe une vore di timp prime e in dut chel timp al veve scrit a cjase une sole volte. Dute Lönneberga a jere al corint, e ducj a jerin rabiâts cun Adrian par cheste reson, parcè che a vevin dûl pai puars gjenitôrs Ma chel che Adrian al scrivè, cuant che a le fin si decidè a scrivi, nissun lu veve mai savût

30 (204)

a tignive la scjatulute di vilût cun lis capis jenfri lis mans, come se a fos la robe plui biele che a veve vût te sô vite. E al jere ancje vêr. Ma il pari di Milio al bruntulave:

— Afârs di mats! Une vecje scjatule di vilût!

La piçule Ide no si jere inacuarte dal rivà di so pari, si che duncje no tasè, ma a continuà a dî zentîl e ubidiente, peraule dopo peraule, ce che Milio i sugjerive stant dentri chel scûr laboratori dal marangon. Il pari di Milio al deventà blanc in muse, parcè che a Katthult no si jerin mai sintidis peraulis cussì volgârs e no sunavin miôr dome parcè che Ide lis ripeteve cu la sô vosute dolce e soave.

— Siite, Ide! — al sbrocâ fûr il pari di Milio. Po al ficjà il pugn vie pal barcon e al cjapà di buride Milio pe cope.

— Vergognôs di un frut! Tu tu stâs li dentri a insegnâ a tô sûr a blestemâ?

— Jo no! — al disè Milio. — Jo i âi dome dit che no à mai di dî « al diaul » e po i âi metût tal cjâf dute une serie di peraulis che à di cjalâsi ben di dî.

Sì, cumò tu sâs cemût. che a là par Milio il 12 Jugn, e ancje se nol filà dut a puntin, bisugne ben cognossi che al fâse dai bogns afârs chel dì. Pense, in tun sôl dì al rivà a procurâsi tantis robis come: une buine vacje di lat, une straordenarie gjaline di ûfs, une otime palete pal pan e ancje tant lat par un formadi grant e scuisît.

29 (203)

si metè a intaiâ il so cent e vincj e cincheisim pipinot di len.

tal intant çumbâ-Lote a jere sistemade sul so baston tal gjalinâr, e Rolla a zirave ator di che bandis dute contente sul prât dutun cun lis vacjis di Katthult. Pôc dopo al rivâ il contadin di Bastefall a cjoli i siei sîs nemâi. Dutun cul pari di Milio si meterin a fevelâ a dilunc de vendite a le aste e di dut chel che al jere sucedût. Si che duncje al passà un pôc di timp, prime che il pari di Milio al podês lâ a cjapâ Milio. Il contadin di Bastefall si jere a pene slontanât, cuant che Toni si inviâ bande dal laboratori dal marangon.

Intant che si stave svicinânt, al olmâ la piçule Ide scrufuiade sù di un scagn fûr dal barcon dal laboratori dal marangon.