59

Milio al ispezionave cuiet la zone ale ricercje di Fredo. Cussì fâsint al passâ denant ale tende de femine barbude, e vie pe viertidure a lampâ che e jere sentade dentri a contâ il polvar : a voleve viodi trops bêçs che a veve tirât dongje in gracie de le sô barbe vie par une interie fortunade domenie a Hultsfred.

58

‘O pues cjantâ un altri pôc e jemplâ di gnûf la mê barete’ al pensâ Milio. ‘A son ducj cussì bogns chi!’
Ma si sintive strac. Nol veve plui voie di cjantâ ni di vê altri polvar e al regalâ al vuarp i doi centesims. Po al torzeonâ un pôc ale ricercje di Fredo.
Milio al jere sigûr che ducj a fossin bogns, ma al veve tuart. Al podeve simpri capitâ di incuintrâ un esemplâr malin, vignût a pueste par chel dì te planure di Hultsfred. A chel timp si zirave ator di che bande un lari teribil cognossût come ‘al Sparvâl’, temût te interie regjon dal Smàland. Pardut e vessin lûc fiestis e marcjâts o in ogni câs e fos fole e bêçs atôr, si podeve jessi sigûrs che al Sparvâl al sarês comparît e al varês scomençât a robâ plui che al podeve. Par no fâsi cognossi, al puartave barbe e mostacjis diferentis in ogni ocasion. Chel dì al jere rivât te planure di Hultsfred e al zirave ator di che bande dapardut cun cjapiel a pan di zucar e mostacjis neris par viodi ce che al podeve robâ. Nissun al saveve che al jere in circolazion, se no te fole si sarês semenât il panic. Se al Sparvâl al fos stât savi, nol sarês capitât te planure di Hultsfred propit cuant che al jere Milio di Lònneberga cul so fusîl: figurâsi ce che al tocjâ!

57

Ducj a vevin un grant dûl par lui. A un sensibil zovin contadin vignirin lis lagrimis tai voi: al vaî parsore chel frut disgraciât che al stave li cussì bessôl cui siei biei cjavei bionts.
Ducj a tacarin a butâ palancutis di doi, di cinc e di dîs centesims ta barete di Milio. Il sensibil zovin contadin al tirâ fûr ancje lui doi centesims da sachete dai bregons, ma si pintì prime che al fos masse tart, al  tornâ a metiju dentri e al murmuiâ a Milio:
«Se tu mi vegnis dâur fin al mio cjar, ti pues dâ ancjemò un pôc di fen.»
Ma Milio cumò al jere siôr e al veve la barete plene di polvar . Al lâ a comprâsi un grum di paninis imbotîs, fuiaçutis, dolçs e sirop.
Cuant che al vê parât jù dut, al fâse cuarantedoi zîrs sule gjostre par cuatri coronis e vincj centesims. Milio nol jere mai lât prime sule gjostre; nol saveve che tal mont a esistês alc di cussì divertent.
‘A dispiet di dut ve ca che o soi a fâ baldorie!’ al disè, zirânt sule gjostre cui cjavei bionts al vint. ‘Mi soi divertît une vore in vite mê, ma mai cussì tant!’
Po al lâ a viodi il mangjadôr di spadis e il mangjefûc e la siore barbude, e ale fin al restâ cun doi centesims in te sachete.

56

Si jere inacuart che in che planure si podeve vuadagnâ polvar in une vore di mûts e al veve ben di jessi un mût ancje par lui. Fûc e spadis nol saveve glotiju, la barbe no le veve, ce podevial fâ?
Milio al restâ imobil a rifleti. Inalore al lampâ un puar vuarp parsore di une cassele in tal mieç di un trop di int. Al cjantave des cjançons une vore malinconichis che someavin a laments, ma in cambi di bêçs. Al veve poiât dongje par tiere il so cjapiel e de buine int i butave dentri cence polse des palancutis.
«Chest o sai fâlu ancje jo» al pensâ Milio, «e par fortune o ài cun me le barete!»
Al poiâ le barete par tiere denant di se e si metè a cjantâ: «il cjaval dal frut...» par ducj chei che a volevin scoltâlu.
Di strade i si formâ ator un cercli di int.
«Oh, un cussì biel frut!» e disevin. «al à di jessi une vore puar par stâ chi a cjantâ par bêçs!»
A chel timp a jerin une vore di fruts puars che no vevin nie di mangjâ. une vecjute zentîl si fâse indevant e domandâ a Milio: 
«Mio piçul amì, àtu mangjât alc vuê?»
«Si, ma dome fen» al disè Milio.
 

55

A jerin tantis robis legris par cui ch’al voleve fâ baldorie. Il circul, la piste di bal, il parc di divertiments cu lis gjostris e altris atrazions.. fintremai un mangjadôr di spadis che al podeve gloti des  spadis e un mangjefûc che al saveve gloti il fûc e une siore formose cu la barbe che no doveve gloti altri che cafè e fuiaçutis ogni ore. No si insiorave cun chest, si capîs , ma par fortune a veve la barbe. La mostrave par bêçs e a vuadagnave tant ben!.
Dut al costave polvar te planure di Hultsfed. e Milio nol veve polvar .
Però al jere un frut scaltri, come che o ài za dit. Al à volût viodi il plui pussibil e al scomençâ cul circul, parcè che e jere la robe plui facile. Al bastave rimpinâsi sù une cassele par daûr de tende e cjalà par une buse. Ma Milio al ridè in mût tant scloteât par colpe dal paiassio ch’al coreve ator a fâ bufonadis, ch’al colâ jù cun confusion de cassele e al lâ a bati al cjâf cuintri une piere. Inalore al vê avonde dal circul. Cun di plui  al veve fan: plui di prime.
«No si pues fâ baldorie cence mangjâ!» al disè Milio. «E no pues mangjâ cence polvar .O ai di pensâi parsore»

54

Ma Milio nol cjatave nissun e nissun al cjatave lui. Inalore al capî che al scugnive scomençâ a fâ baldorie di bessôl, se al voleve profitâ de ocasion.
Ma prime di scomençâ, al veve di fâ in mût che Jullan a cjatàs cualchi vecje cjavale par sgagnî intant che al faseve baldorie: gji al veve prometût.
Milio nol cjatâ nissune zentîl vecje cjavale par Jullan. Al cjatâ invezit Markus, e al fo une vore miôr. Markus mangjave fen peât a un len sul ôr dal bosc cun dongje la vecje caroce di Katthult che Milio al cognosseve cussì ben. Jullan si legrâ tal incuintrâ Markus: al jere evident, cussì Milio le leâ ator tal stes len e al cjapâ une grampe di fen te caroce. A chel timp si puartave simpri daûr dal fen pai cjavai. Jullan al scomençâ dal moment a mastiâ e Milio si visâ inalore di vê fan ancje lui.
«Ma no fin al pont di mangjâ fen!» al pensâ. Ma no jere bisugne. Dute la planure e jere plene di barachins, indulà che si podevin comprâ paninis, luianiis, fuiaçutis e dolçs a paladis. A vê il polvar.

53

Juste dopo che i soldâts a finirin lis esercitazions e si slontanarin marcjânt, la planure interie si jemplâ a colp di int. La confusion e jere tale, che nol si rivave a cjatâ se stes, altri che Milio! No jerin dome il pari e la mame a cirilu, ma ancje Fredo. parcè che cumò al jere libar des esercitazions. Cumò al voleve stâ cun Milio e divertîsi. Ma no si rivave assoludementri a cjatâ nissun, in che sdrume di int! Cuasi ducj i presints ziravin a vueit in cercje di cualchidun. Fredo a cirî Milio e Milio a cirî Fredo; la mame di Milio a cirî Milio e Line a cirî Fredo; il pari di Milio a cirî la mame... no le viodeve di un biel pôc di timp e al scugnì cirile par dôs oris, prime di cjatâle, avilide e scliçade tra doi omenons di Vimmerby.

52

A lâ indenant a cjaval fin là di Milio al fo invezit l’omenut gras e rabiôs, che al disè cun zentilece:

«Ce sucedial, frut? Ti sêstu slontanât de mame e dal pai e ti sêstu pierdût?»
E jere la robe plui stupide che Milio al vês mai scoltât.
«Jo no mi soi pierdût» al disè, «jo o soi chi! Se cualchidun si è slontanât e si è pierdût, a son le mame e al pai.» e Milio al veve reson ae perfezion. I fruts piçui a podevin pierdisi te planure di Hultsfred, a veve dit la mame. In chel moment e jere jê però a jessi scliçade tra la fole insiemet al pari di Milio e a Line. E ducj e trê si sintivin pierdûts, parcè che nissun al podeve movisi dal propit puest, ancje se a vevin viodût Milio. Lu vevin olmât daurman cuant che al jere rivât cu la barete, il fusîl e la vecje cjavale. Il pari di Milio al veve dit:
«Se al va indenant cussì, Milio fasarà di strade un gnûf pipinot di len!»
«O soi dacuardi!» a veve confermât la mame. «Ma cemût brincâlu?»

51

Milio si divertî par un pôc a viodi i soldâts puartâ lis sclopis su la spale; po al decidè che prime di dut al veve di cjatâ Fredo: a jere cheste la reson pe cuale al jere vignût. Ma ducj i soldâts e vevin intor le monture blu e si someavin. Cjatâ fûr Fredo in tal mieç di chel grum nol jere po tant facil!
«Spiete che Fredo mi viodi!» al disè Milio a Jullan.
Al rivarà sberlânt e chel vecjut  che al ledi indenant che al fasi ben a remenâsi di bessôl cul fusîl trop che i pare!»
E par che Fredo al podês lampâ, Milio al lâ dilunc a cjaval fin denant ai soldâts e al berghelâ une vore a fuart:
«Dulà sêstu, Fredo? Ven indenant, cussì o podarìn fâ baldorie! No viodistu che o soi jo?»
Fredo al veve daurman cognossût Milio. Milio cu la barete, il fusîl e la vecje cjavale. Ma Fredo al stave tal mieç de scuadre dai soldâts e nol olsave lâ indevant par colpe di chel omenut gras e rabiôs che al sberlave, al faseve davoi e no le molave di dâ ordins.

50

Po al restâ cence peraule e al discocolâ i voi. Al saveve che tal mont a esisteve une vore di int, ma nol pensave che dute si fos ingrumade te planure di Hultsfred. Nol veve mai viodût tante int: a stavin a miârs dut ator de vaste planure e in un grant spazi tal mieç a jerin i soldâts che si esercitavin a puartâ il fusîl in spale e a voltâ a man drete e a çampe e a fâ dut ce che a fasin i soldâts. Un esemplâr piçul e gras al leve atôr a cjaval fâsint davoi e sberlânt ai soldâts ce che a vevin di fâ, e lôr a stavin cidins e eseguivin a pinel i ordins. A Milio i someave strani.
«Nol è Fredo che al comande chi?» al domandâ a un pâr di fîs di contadins che i stavin dongje. 
Ma chei li a continuarin a cjalà i soldâts e no i rispuinderin. 

49

Si partîs!» al disè Milio. «Trallallà, trallallera, trallallà! O saludarìn Nene Marte cuant che o tornarìn a cjase!»
Jullan al lee ju a elefant vie pes clevis cun Milio che sentât dret e braurôs cul fusîl devant di se: il fusîl nol podeve mancjâ a Hultsfred, parcè che se Fredo al intindeve deventà un soldât, Milio nol sarês stât di mancul. Fredo al veve un fusîl vêr, Milio al veve un fint: e jere cuasi la stesse robe. Soldâts ducj e doi! Cussì al veve di jessi e cussì al voleve Milio.
Jullan e jere vecje, e leve planc cun chel so pas pesant e par no fâi pierdi dal dut il flât, Milio al cjantâ in so onôr
Il cjaval dal frut
Al va plancut al va plancut
ma il fusîl al puarte a spas
e al precet di bon pas.
Ce impuartial se al va planc
guai a cui ch’al ven di lontan!

E a fuarce di lâ indevant al pas e al trot e un pôc sgjarpedânt Jullan a rivâ cun Milio te plane di Hultsfred.
«Vive!» al sberlâ Milio. «cumò o fasin baldorie!»

48

«O cognossi altris doi che a rivaran a brene vierte, veloçs come il vint!» al disè Milio. «O sin tu e jo, Jullan!»
E cussì al fo. Milio al imbrenâ la cjavale e la puartâ fûr dal cjamp.
«Nol è di ce preocupâsi» al disè Milio a Jullan. «Fredo al sarà content, cuant che o rivi, e tu incuintrarâs par sigûr cualchi altre vecje cjavale par sgagnî, tal câs tu ti stracarâs di fâ baldorie.»
A sburtâ la cjavale bande il porton, parcè che al veve bisugne di un pont di poiâ par lâ sù su la schene de cjavale. Al jere scaltri il frut!

47

La matine dal vot di Lui il pari e la mari di Milio cun Line a partirin pe fieste di Hultsfred e a lassarin Milio e la piçule Ide a cjase cun Tata Marte, che a veve di viodi di lôr. Tata Marte e jere une vecjute che e vignive di tant in tant a Katthult a dâ une man.
La piçule Ide e jere une frute mugnestre. Si metè daurman a sentâsi sui zenoi di Tata-Marte, si fâse contà cualchidune des sôs stories plui spaventosis di fantasimis e a fo contente e sodisfate.
Ma Milio no. Al svagave pe culinute daûr lis stalis cul fusîl in man, tremant di rabie.
«Cheste no ur e fâs passâ!» e diseve Milio.
«Jo o ài di lâ a Hultsfred a fâ baldorie, jo come chei altris, e cumò o ài decidût. Capistu, Jullan?»
L’ultime frase e jere direte ale vecje cjavale che a stave passonant le jerbe sul prât daûr de stale A Katthult a vevin ancje un puieri che si clamave Markus. In chel moment Markus al jere in viaç par Hultsfred cul pari e la mame di Milio e Line: une buine part de famee a jere fuide a divertîsi!

46

Po di Fredo no si sintì plui nie parcè che Line a veve scomençât a sberlâ e di strade il saret al sparì cun lui a un volt de strade.
La mame di Milio a cirî di confuartâ Line.
«No sta jessi malinconiche, Line» e diseve, «tu âs di vê pazience fin al vot di Lui, cuant che a Hultsfred si fâs la fieste e a larin a saludâ Fredo.»
«O vuei vignî ancje jo a Hultsfred a fâ baldorie e a saludâ Fredo» al disè Milio.
«Ancje jo!» a disè la piçule Ide.
Ma la mame di Milio a niçâ al cjâf.
«Nol è nie di divertent pai fruts piçui, in fiestis di chel gjenar!» a disè. «A finissin cul pierdisi te fole.»
«Mi samee divertent pierdisi te fole» al disè Milio, cun pôc sucès.

45

«Cjale un pôc se chest dovê al veve di deventà urgjent propit tal moment di fâ fen!» Al bruntulâ il pari di Milio.
No i faseve plasê fâ di mancul di Fredo tal biel mieç de seselade, propit cuant che a Katthult si lavorave dûr. Ma nol jere però il pari di Milio, ma al jere il Guvier a decidi cuant che i fantats di Lònneberga a vevin di lâ te planure di Hultsfred par imparâ a fâ i soldâts. Ancje Fredo al sarês tornât, a pene ch’al vês imparât avonde e par chest nol voleve une vore di timp. Si che duncje Milio nol veve reson di vaî, ma al vaî di istès, e ancje Line a vaî. Parcè che Fredo nol plaseve dome a Milio.
Fredo nol vaî. Al disè che a Hultsfred si podeve ‘fâ baldorie e divertîsi une vore. E cuant che il saret si metè in moto e ducj a stavin li avilîts a saludâ cuntun mot de man par dii mandi, Fredo si niçâ, al sberlâ ‘Hurrà!’ e si metè a cjantâ par consolâ il cûr di ducj. Al cjantâ chest cjant:
Laju te planure
Si fâs simpri baldorie
La vite no jê dure:
lis feminis e amin la glorie!
Trallallà trallallera trallallà!
Trallallà trallalera trallallà!...

44

44


Domenie 8 di Lui: cuant che Milio al fâse une grande baldorie te planure di Hultsfred.


Fredo, il famei che e vevin a Katthult, al voleve une vore di ben ai fruts. Soredut a Milio. Ancje se Milio an faseve di ducj i colôrs, a lui i plaseve di istès e i fasè un fusîl di len. Al sameeva un fusîl vêr ancje se naturalmentri no si podeve trai. Ma Milio al sberlave ‘bang, bang’ e pontave e traeve cussì ben che lis passaris a Katthult no olsarin vignî fûr per putròs dîs. A Milio i plaseve il so fusîl e la gnot s’ al puartave tal jet.
Dal sigûr, Milio al voleve ben al so fusîl e al voleve ancjemò plui ben a Fredo che gial veve fât. Sicheduncje nol è di maraveâsi se Milio al vaî cuant che Fredo di pont e in blanc al partì pe planure di Hultsfred pâl ‘servizi militâr’: cussì si dîs cuant che i oms a van a imparâ come che si fâs il soldât. Ducj i fantats di Lònneberga a vevin il dovê di imparâ a fâ il soldât.

43

43


«E jè la miôr robe dal mont» al disè Milio. e jere la sclete veretât.
Cussì a jê rivade la sere e si emanâ une bielissime lûs sù dute Katthult, dute Lònneberga e l’interie regjon dal Smàland. Il pari di Milio al tirâ jù la bandiere. Milio e la piçule Ide i stavin dongje.
La fieste di Katthult a jere daûr a finî. Ducj a tornarin a cjase, ognidun sul propit saret. Par ultime e partì la siore Petrell te sô caroce. Milio e la piçule Ide e sintirin al talpetament dai çucui dai cjavai che si sbassave simpri plui dilunc lis rivis.
«O speri che jê a sedi buine cule me surisute» al disè Milio. «Ce surisute?» i domandâ Ide.
«Che che o ài ficjât te sô borse» al disè Milio.
«Parcè lu âtu fât?» i domandâ la piçule Ide.
«Be’, parcè che al jere un pecjât pe surisute!» al disè Milio. «no à viodût niatri che al armaron des luianiis, in dute la sô vite. O ài pensât che almancul a podeve viodi Vimmerby!»
Al jere il dîs di Jugn cuant che Milio al issâ la piçule Ide sule mace de bandiere e al fâse fûr dutis lis luianiis. Ma salacor ti plasarês ancje savê alc di:

42

42


«Ah, ah! Velu Milio!» e diseve la piçule Ide. «no si è mudât, no si è mudât!»
Cui pensaressial che un frutin imboconât di luianiis al puedi rindi contente tante int! Finalmentri le fiestute di Katthult si è mudade in tun avigniment legri e divertent! La mari di Milio a cjatâ un tocut di luianie che Milio nol jere rivât a gloti. Al tocjâ a le siore Petrell cun sô grande gjonde. E ducj chei altris, che a jerin restàs cence luianie, no lassavin in ogni câs la cjase a dizun. E jerin cotoletis di purcit rustide, vulups di vidiel, polpetis di cjar, renghis marinadis, salate di renghis, stofâts, budins, bisats in gjelade fin a jessi sglonfs. Pâr finî a rivâ une maraveose torte di formadi cu le gjelade di trisculis e la pane montade

41

41


«Ce stramberiets tiri tu fûr?» i domandâ decise la mari di Milio.
Line a cimiâ in mût ancjemò plui stramp, ridint par so cont cun fâ misteriôs.
«Tignîmi daûr» a batè dure e cussì a faserin ducj i partecipants a le fieste, fin tal camarin. Jê intant rideve sot coç cun ande suriane. A sburtâ la pesante puarte, a passâ la al pat, e ducj daûr. Si blocâ di front al armâr grant, cun tun colp e spalancâ le volade e pontâ l’indiç bande il riplan di mieç, dulà che la mari di Milio a meteve lis luianiis. Là ch’al jere Milio.
Al durmive. Al jere distirât tra lis piels des luianiis, ce tesaur di frut, e sô mari a provâ la stesse gjonde che e varès vût scuvierzût tal so armâr un sac di aur. Ce impuartavial se Milio al veve fât fûr dutis lis luianiis! Al jere une vore miôr cjatâ sù chel riplan Milio che un pâr di chilos di luianiis. Il pari al jere dal stes parè

40

40


No restavin altris lûcs dulà cirî.
«Ce fasino?» a disè la mame di Milio.
«Si varà ben di tirà fûr la robe di mangjâ!» al disè il pari di Milio e le idee a fo ben acetade parcè che ducj a fuarce di cirî e patî, e vevin apetit.
La mari di Milio si metè a parecjâ. I colarin cualchi lagrime ta salate di renghis, intant che la puartave in taule. Po dopo a vignirin i vulups di vidiel, lis cotoletis, lis tortis di formadi e dut il rest. A le siore Petrell i vignive la aghe in bocje. La robe a prometeve ben ancje se no jere olme di luianiis, e chest la preocupave.
Propit in chel moment la mame di Milio a disè:
«Line, o vin dismenteât lis luianiis! Cor a cjolis! »
Line si slontanâ. Ducj a spietavin cun impazience e la siore Petrell e faseve mot di sì cul cjâf:
«Zà, lis luianiis!» e diseve. «E sarà une deliziis tra lis deliziis!»
Line a tornâ: cence luianiis.
«Tignîmi ducj, daûr che us mostrarai alc» a disè. A veve l’aiar stralunât, ma nol jere di preocupâsi parcè che al jere un fât usuâl.

39

39


Cetant che a ciririn chei puarins a Katthult! Tal dipuesit di lens e te stirarie, ma Milio nol jere. Te stalis e tal toblât e tal cjôt.., ma Milio nol jere. Tal sierai des pioris e tal gjalinâr e te cjasute dulà che si fumigave il mangjà e te lissiarie... nuie Milio! Inalore a cjalarin tal poç. nancje ll a cjatarin Milio, e chest al fo un ben pal amôr di Diu! Ma ducj a tacarin a vaî. E i abitants di Lònneberga che partecipavin a le fieste a murmuiavin un cul altri:
«Al jere propit un brâf frut, chel piçul Milio! Nol jere une peste, no... jo no lu ài mai dit»
«Al sarà colât tal torint!» a disè Line. Il torint di Katthult al jere imburît, svelt e pericolôs. I fruts piçui a corevin il risi di inneâsi.
«Nol veve il permès di lâ, lu saveve ben» a disè la mari di Milio determinade.
Line e scjassave al cjâf.
«Be’! propit pâr chest!» a disè.
Inalore ducj a larin di corse al torint. Par fortune no cjatarin Milio nancje ll: cun dut achel a vaîvin simpri plui fuart. Pensâ che la mame di Milio al veve sperât che cheste a sarês riessûde une fieste divertente!

38

38


Ma Milio nol jere. E jerin dome cincuantecinc figurinis di len in rie sù un riplan. La siore Petrell no veve mai viodût tancj pupaçs di len in tune volte e a domandâ cui che ju veve faats.
«Cui altri puedie vêju faats se no il nestri piçul Milio?» a disè la mame di Milio, scomençânt a vaî. «Al jere un brâf frut!»
«Mah! Mah!» e faseve Line scjassânt il cjâf, ma e zontâ alc come:
«Al è miôr cjalà tal camarin.»
Ma ancje lì no jere olme di Milio!
La piçule Ide a vaìve in mût sot vie e continui, e intant che nissun la cjalave, a lee de gjaline blancje e i cisicâ:
«No sta svolâ in cîl, benedet Milio! Ti darai jo il mangjâ dai poleçs, ma reste a Katthult, ti prei!»
La gjaline no à volût prometi nie. A fâse cocode e a sgjarpedâ vie.