08 (80)

a Katthult il pari di Milio, la mame di Milio e la piçule Ide te cjamare di jet dongje de cusine, Line sul so sofà-jet-di-cusine e Fredo te cjasute dal famei dongje dal .laboratori dal marangon. Purcits e poleçs a durmivin tal cjôt e tal gjalinâr, vacjis e cjavai e cjavris a durmivin fûr tai cjamps verts, ma in cusine al jere sentât il gjat sveât come un gri che al pontave la camarin, parcè che al sintive putropis pantianis. Sveât come un gri al jere ancje Milio, e al rivà cucio cucio fin in cusine.

— Puar Mao, tu stâs chi  bessôl, di bessôl! — al disè cuant che al lampâ i voi dal gjat slusî lontan, dongje de puarte de cusine.

— Miao! al disè Mao.

E il piçul Milio amì dai nemâi come che al jere, lu molà fûr daurman.

Ma naturalmentri al saveve che la pantiane a veve di jessi cjapade, e cumò che il gjat al jere lât vie, j voleve un altri 

07 (79)

— Si tegnin cont un pôc lis suelis des scarpis — al diseve a le mame di Milio che e faseve resistence e no voleve cjaminâ discolce. — E cussì tu consumis lis scarpis e o ven di comprâti di gnovis d’un continui, saldo, ogni dîs agns.

— Bielzà, e jê vere! — e diseve la mame di Milio, e po no si ‘n fevelave plui.

O ài dit prime che nissun al rivave a scjassâ Line prime che a sunàs la svearine, ma une matine si sveà plui di strade par une altre reson. E jere il 27 di Lui, propit le zornade che Milio al vê la fiere.

A lis cuatri di matine Line si sveà parcè che une pantiane j coreve sule muse. Si jevâ sù cun tune berlade e e rivà a cjapà sù un toc di len. Masse tart: la pantiane e jere bielzà sparide in tune buse dongje de cassele dai lens.

Il pari di Milio al montà in furie, cuant che al sintì de pantiane.

— Beh, cheste no j voleve — al disè il pari di Milio.

— Lis pantianis in cusine e puedin mangjânus il pan e ancje il persut!

— E ancje me! — a disè Line.

— E il pan e il persut — al ripetè il pari di Milio. Usgnot o ven di tignì il gjat in cusine.

Milio al sintì de pantiane e, a dispiet che al vês la fiere, al scomençà a pensâ a cemût che al varês podût brincâle, tal câs che al gjat a fos lade strucje.

A lis dîs di sere dal 27 di Lui Milio al jere dal dut cence fiere e siôr d’inventive. A che ore ducj a durmivin

06 (77/78)

Sabide 28 di Lui: cuant che Milio al strucjâ le pastele de mule sù so pari e al intaiâ il so centesim pipinot di len.

Te cusine a Katthult e jere un vecjo sofà intenzût di blu, e sù chel sofà a durmive Line. In che volte di Milio e di cheste storie dute la regjon dal Småland e jere plene di sofàs-jet-di-cusine cun dentri mamulis che a durmivin sul stramaç dûr e lis moscjis ator. Cussì e jere ancje a Katthult. Line a durmive ben tal so sofà. Nissun al rivave a scjassâle prime des cuatri e mieze di matine, cuant che la svearine e sunave e jê a veve di jevâsi a molzi.

A pene Line e jere saltade fûr di cusine il pari di Milio al jentrave cucio cucio a bevi il so cafè matutin in sante pâs, prime che Milio si sveàs. Al jere biel, j someave, sentâsi al grande taule pleabile dal dut di bessôl, no viodi nissun Milio di nissune bande, sintî dome j uciei che cjantavin e lis gjalinis che fasevin cocode, bevuçant a cercis in maniere rumorose il so cafè, niçulantsi un pôc sule cjadree cu lis breis dal paviment sot lis plantis dal pîts che Line a veve freât tant di fâlis deventà blancjis a plen.., no, Line a veve freât lis breis dal paviment .no lis plantis dai pîts dal pari di Milio che a ‘nd varessin vût bisugne... ce saio jo... Il pari di Milio al cjaminave discolç la matine e no dome parcè che al jere plasevul.

05 (76)

Ti visistu dut cumò dai abitants di Katthult? A jerin il pari di Milio che si clamave Toni, la mame di Milio che si clamave Alme, la sûr plui piçule di Milio che si clamave Ide, il famei che si clamave Fredo, la massarie di colonie che si clamave Line e tal ultin Milio che si clamave Milio.

E po Nene-Marte si capîs, jê no ven di dismenteâle. E jere un esemplâr di vecjute secje che a jere a stâ in tune cjasute sù tal bosc, ma e rivave intun marilamp a Katthult a judâ pe lissie, a jemplâ lis luianiis, a fâ pôre a Milio e Ide cu lis sôs stories spaventosis di spirts e fantasimis e sassins e laris, mâi e malatiis e altris deliziis des cualis Nene-Marte e jere simpri informade.

Ma cumò ti plasarês salacor sintî cualchi gnove baronade di Milio? A ‘nd faseve ducj i dîs infûr che cuant che al veve la fiere, si che duncje o poden cun calme meti la man sù qualsidisi dì dal grum e viodi ce che al fasé. A proposit, parcè no cjapâ propit il 28 di Lui?

04 (75)

Une frute buine e ubidiente. Invezit Fredo, il famei di Katthult, al voleve un grant ben a Milio, il parcè no lu sa nissun, e Milio al voleve un grant ben a Fredo. Dutun cun si divertivin, cuant che Fredo al jere libar dal lavôr, e Fredo al insegnave a Milio simpri robis utilis: come che si siele un cjaval e come che si pescjn i luçs e ancje come che si mastie il tabac; beh, cheste ultime robe no jere une robe specialmentri utile par Milio e Milio al provâ une sole volte. Ma al veve di provâ, parcè che al voleve savê dut chel che al saveve Fredo e fâ dut chel che Fredo al faseve. Fredo al veve intaiât un fusîl di len par Milio: al jere stât zentîl di part sô, no? Chel fusîl di len al jere il tesaur plui benedet par Milio. Al secont puest dai tesaurs plui cjârs a jere le famose barete cul frontin, un pôc brute, che so pari j veve comprât, une volte, in citât.

03 (74)

— A ce fin? — al diseve il pari di Milio. — cun dutis lis baronadis che al invente che peste di fantat, tu finissis cul frujâ la nestre pene stilografiche, i âstu pensât?

La mame di Milio no lu scoltave. A scriveve cun fedeltât dutis lis baronadis di Milio, parcè che Milio al podês savê un dì, cuant che al fos deventât grant, ce robis che al veve fât di piçul. Eh sì, inalore al varês capît parcè che sô mari e jere bielzà dute grise e le varês amade salacor di istès cun ducj chei cjavei grîs che i jerin vignûts par colpe sô.

Cumò no sta pensâ che Milio al fos trist, oh no! Sô mari veve a pinel reson cuant che e diseve che al jere un brâf frut e al someave a un agnul cui siei cjavei bionts e i siei dolçs voi celescj. Milio e jere propit ninin, e la sô mame a veve reson.

« Îr Milio al è stât bon » scrivè tal so libri il 27 di Lui. « nol à fât baronadis par dute la zornade parcè che al veve la fiere alte e propit no je faseve. »

Ma bielzà il 28 di Lui la fiere di Milio si ere sbassade, tant che lis sôs baronadis a jemplarin putropis pagjinis dal cuader turchin. Parcè che al jere fuart come un piçul bo, chel fantat e a pene ch’al stave ben si impegnave daurman a rimetisi in pari.

— Mai viodût un fantat simil! — e diseve Line.

Salacor tu âs bielzà capît che Milio  a Line no i pocave masse. I plaseve plui la piçule Ide, la sûr piçule di Milio:

02 (73)

Milio al è un brâf frut – e disè – e nô i volin ben cussì cemût che al è.

E Line, la Serviute di Katthult e disè: - O ven di pensâ un pôc ancje ai Americans. No nus àn fat nie di mâl, parcè alore metiju tai fastidis?

La mame di Milio e dreçâ une voglade severe viers di jê e Line a capì di vê dite une stupidade. A scomençâ a barbotâ e a cirî di meti a puest lis robis:

Sì ma viodie siore – e disè al è sul gjornâl di Wimmerby di chel teribil taramot là jù in Americhe O vuei dî a sarês masse se cumò e in plui di dut ancje Milio…

Tâs Line ! – a disè la mame di Milio - Va te stale a molzi, e jê le uniche robe che tu sâs fâ.

Line a cjolè il seglot dal lat, si inviâ bande la stale e si metè a molzi a dute velocitât. E lavorave simpri miôr cuant che jere un pôc rabiose, par chel cumò a molzeve cun plui snait dal solit intant che a trabascjave tra se cun vôs sorde:

E a di jessi justizie in chest mont! Ducj i disastris no scugnìn migo veiju i Americans! Ma jo o fasarês vulintîr il sgambi cun lôr. O crot propit che o mandarai une letare in Americhe.

Velu Milio ! Mandait ben culì il taramot.

Biele presentuose chê Line ! A jere propit la persone juste par scrivi in Americhe, jê che no saveve scrivi in mût decent nancje a cjase sô! No, se propit cualchidun al veve di scrivi in Americhe, la mame di Milio a varês  podût fâlu. Jê a jere brave. A scriveve di dutis lis baronadis di Milio in tun cuader turchin che a veve tal scansel dal scritori.

GNOVIS BARONADIS DI MILIO

GNOVIS BARONADIS DI MILIO

JENTRADE

Ti visistu di Milio chel fantat de colonie di Katthult Lönneberga ? In ogni câs, a Lönneberga no ‘nd jere une sole persone, tal siguri, che al podês dismenteâsi de sô esistence. Milio al faseve plui baronadis in tun mês di trops dîs che al à un an intîr. Tu ti visarâs di chê volte cuant che i abitants di Lönneberga, simpri plui spaurîts, a deciderin di mandâlu in Americhe e a faserin une colete e tirarin sù un biel pôcs di bêçs? E puartarin i bêçs a le mame di Milio e i diserin:

Salacor a varessin di bastâ par mandâ Milio in Americhe.

E jerin sigûrs che finalmentri a Lönneberga la vite a sarês stade plui cuiete se Milio al fôs partît: e a vevin reson, ma la mame di Milio si inrabià e butâ par tiere il sacut cun tante fuarce che i bêçs a svolarin sul paîs di Lönneberga.