tal
moment just, se no nol varês viodût un sôl piç, dai siei fûcs
artificiâi. Velu li, tal biel mieç dal sclop, che al cirive di fuî
ogni volte che a rivave une zirandule slusinte che i sivilave ator
des orelis. Milio e Gofrêt a pensavin che si divertìs parcè che al
molave fûr piçulis berlis di gjonde a ogni fuide. Al fo dome cuant
che une fusete in bore si blocà cuintri i siei bregons che al vê
l’aiar di jessi rabiôs: se no parcè varessial mandât fûr un
mungulade cussì colossâl e varessial continuât a sberlâ cun tante
insistence, intant che al coreve bande de bacinele da la aghe e come
un mat vi infondave une gjambe dentri? Al varês però vût di savê
che no si fâs cussì cu lis fusetis, parcè che si distudin.
Cumò
o ài finalmentri viodût dai fûcs artificiâi! — al
disè Milio, intant che al stave platât daûr dal dipuesit dai lens
dal sindic cun Gofrêt dongje.
— Sì,
cumò tu âs finalmentri viodût dai fûcs artificiâi! al disè
Gofrêt.
Po
a taserin e a spitarin. No spietavin nuie di particolâr, ma dome che
il sindic la al molàs di nasicjâ atôr pâl zardin come un grues
moscjat rabiôs.
Intant
la procession di Katthult un moment dopo e leve bande cjase a
Lnneberga, a Vimmerby a vèrin ancjemò par une vore di timp
sarpints, zirandulis e lenghis di fûc.
Po
a lusirin dome lis stelis parsore a lis pontis dai peçs. Il bosc al
jere scûr e la strade a jere scure, ma Milio al jere content,
Nessun commento:
Posta un commento