49 (223)

E a pene ducj a forin dismontàs di caroce de bande des stalis, si inviarin, seneôs di cafè e impazients, bande la cjase. Ma su lis scjalis a stave Nene-Marte, che a sberlave cun vôs a sclopecûr:

— Scjampait vie! scjampait vie! O vin il tif in te colonie! Ducj si fermarin dal lamp stufs e spaurîts, ma la mame di Milio a disè:

— Ma ce stâstu disint? Cui aial il tif?

48 (222)

di un culôr bluat cuintri il cussin blanc, inalore Nene Marte a petà in tune alte berlade:

— Pal amôr di Diu...

— Al è tif — a disè Milio, cun tune piçule sgagnide. In chel moment al è rivât de strade il rumôr des carocis. A stavin rivânt de glesie, il pari e la mari di Milio e ducj i lôr ospits, cul pastôr di animis par prin.

47 (221)

Propit inalore Nene-Marte a stave vignînt fûr dal bosc e al porton di Katthult a incuintrà Line, che a tornave a cjase de sô visite a Tin Fari. — Cemût vadie? — a disè Nene-Marte cun interès. — fâsie ancjemò mâl il dint?

— No sai — a disè Line.

— No tu lu sâs? Ce vûstu dî?

— No lu sâi, parcè che cumò al è te scarpade de scovacis di Tin Fari, chel stupit di un dint! Ma o speri che al patissi ancjemò tant di berghelâ là dentri!

Line a jere contente e no jere plui sglonfe come prime. A lâ a fâ viodi la buse dal dint a Fredo sot dal piruçâr, e Nene-Marte continuà bande la cusine par scomençâ a preparà il cafè. A sintì i fruts te cjamare di jet e a pensà di saludâ la piçule Ide, che a jere la sô preferide.

Ma cuant che a lampâ la sô preferide distirade jù intal jet cu la muse

46 (220)

par cjatâ alc che a podeve judâlu a dâ il culôr just de malatie a Ide. Insom, tal scritori, al jere il calamâr de mame, chel che jê a doprave par scrivi cun cure lis aventuris di Milio tai siei cuaders, o par scrivi lis letaris d’invît al cafè de domenie . Ancje la brute copie da ultime letare di invît si cjatave propit sul scritori. Milio al lei « àn il plasê » e al amirà sô mari che a jere cussì inteligjente di scrivi e esprimi dut cussì ben. A jere ben altre robe di chel Adrian che al jere dome bon di tirà fûr che al veve « viodût un ors »

Aromai sô mari no veve plui bisugne di che brute copie e cussì Milio al imbalà il sfuei a balute e al imbombà la balute tal calamâr, e cuant che la cjarte si fo imbombade di ingjustri, la tirâ sù e tignìnle cun tune pinze si tirà dongje a Ide.

— Cumò, Ide, tu viodarâs cemût che al è il tif — al disè, e Ide a riduçà contente.

— Siere ben i voi, che no ti vadi l’ingjustri dentri — al disè Milio e al piturà la piçule Ide biele turchine sù dute la muse, ma judiziôs come che al jere, nol piturà ator dai voi, indulà che al lassà il culôr naturâl in tun pâr di grancj cerclis blancs e chescj cerclis blancs in tal mieç al blu a darìn a Ide un aspiet cussì spaventosementri malât che Milio al vê pôre.

— Uhhh! — al disè Milio. — Nene-Marte a à reson, il tif a jê une teribile malatie!

45 (219)

E si sintì propit un piçul « ploff », ma al fo cuant che il claut di cinc centimetris si distacà dal cuviert.

Line a jere distirade tal grum di stran cul dint tal so puest e il claut picjât di che altre bande dal spali.

A fo inalore che si inrabià cun Milio.

— Baronadis e esperiments , ve ca ce che tu sâs fâ, ma no tu rivis nancje a gjavâ un dint!

Al fo un ben par Line jessisi rabiade, parcè che in plen furôr a là drete di Tin Fari il fari-gjave dincj (in ta che volte nol esisteve il miedi dentist come in dì di vuê). lui al grampà il dint cu tun pâr di tanais di fâ pôre e cun tun « ploff » lu gjavà e Line lo butà furiose su la scarpade de scovacis e po a tornà a cjase.

Che nissun al crodi che intant Milio al restàs cence fâ nie. Fredo si jere distirât a durmî su la jerbe sot il piruçâr: Cun lui, pâl moment, no si podeve divertî. Sicheduncje si ritirà te cjamare di jet cu la piçule Ide. Al pensave di zuiâ un pôc fin che la mame e il pari no tornavin de glesie e al sarês scomençât il cafè de domenie .

— O podìn zuiâ che jo o soi il miedi di Mariannelund — al disè Milio — e tu une frute piçule malade che jo o ài curâ.

Ide a consintì daurman. Si discrotà e si metè tal jet, e Milio i cjalà al cuel, a metè l’orele ae casse dal stomi, e fasè cun precision come il miedi di Mariannelund.

— Ce malatie aio? — i domandà Ide.

Milio al pensâ parsore. E a colp al savê.

— Tu âs il tif! — al disè. — une teribile malatie.

Inalore si impensà ce che a veve dit Nene-Marte

che par vie dal tif un al devente blu in muse —.

E precîs come che al jere in chestis robis, Milio si cjalâ ator

44 (218)

restà li sul ôr dal cjanton dal cuviert, vongolânt lânt indevant e indaûr come un pin al vint, e la piçule Ide si taponà i voi parcè che no olsave cjalà.

— Ohiohiohi! — a sangloçave Line. — Ohiohiohiohi! A veve di jessi di fâ pôre saltâ dal cuviert de stale ancje cence un sôl dint in bocje, e cumò che a saveve che al sarês rivât un teribil « ploff » tal biel mieç dal svol, a jere plui di ce che un uman al podês sopuartâ.

— Salte, Line! — al sberlave Fredo. Salte, fuarce!

Line si lamentave e sierave i voi.

— Spiete che ti judi jo! — al disè Milio, zentîl come che al jere. Al bastà un sempliç indiç cuintri la schene di jê, semplicementri poiât, e cun tune berlade salvadie, Line a colà jù dal cuviert.

43 (217)

— Une robe cussì spaventosementri strambe, dome tu tu sês bon di inventâle! — a disè, continuant a stà sentade testardementri su lis scjalis de cusine

— Beh, provin ancje se mi costarà la vite!

Fredo al poià di buride une scjale cuintri al mûr de stale, e Milio si rimpinà parsore Tignint cun mût risolût al spali, al strissinave Line daûr di se come un cjan al sguinçâl e Line a stave daûr ubidiente, ancje se jenfri lagrimis e laments

Milio al puartà ancje il martiel e un grues claut di almancul cinc centimetris e a pene al vê inclaudât in mût salt il claut in tal cjanton dal cuviert, al fissà ancje al spali e Line cul spali e dut al fo a puest.

— Salte cumò! — al disè Milio.

La puare Line covade si sburtave in fûr cul cjâf oltri al cjanton dal cuviert, a cjalave jù tal vueit e si lamentave di gjavâ vie il cûr. Lâju a olmave Fredo e la piçule Ide cu lis musis voltadis bande i nûi e bande di jê: sì, cumò a spietavin di viodile rivâ dal cîl come une comete e vignî jù sul grum di stranc... I laments di Line si faserin ancjemò plui disperâts.

— No ài il coragjo, nol è nuie di fâ, no ài il coragjo!

— Dal sigûr, se ti plâs tegniti il to dintat, Fâs ce che tu ûs!

— al diseve Milio.

Inalore Line a scomençà a urlâ, tant che si sintive par dute Lonneberga, po si tirà su lis gjambis tremantis e a

42 (216)

A chel pont Line a sberlà:

— Baste! no vuei!

E svelte come un lamp a tirâ fûr un pâr di forculis che a veve te sachete dal grumâl e cun chês a taçà al spali.

Fât chest si vergognà di gnûf e si acupà, parcè che a voleve liberâsi dal dint. Il dut al jere avilent. Milio, Fredo e la piçule Ide no jerin par nuie contents, e Milio al disè:

— Reste pûr chi sentade, tu cul to dintat! O ài fât dut il pussibil!

Inalore Line a disè che se Milio al voleve provà ancjemò une volte, a zurave su le sô vite che no varês fât altris stupidadis.

— Parcè che cumò al à di colâ, a cost di murî jo stesse! — a disè Line. — Ven chi cun un altri spali!

Milio al acetà di tentâ ancjemò, intant che Fredo e la piçule Ide a jerin ducj tirâts a scoltâ.

— O crôt in ogni câs che il mût brusc al sedi il miôr — al disè Milio — ma al à di jessi argagnât in mût che tu no tu puedis ruvinâlu, ancje se tu âs pôre.

— E, siôr d’inventive come che al jere, Milio nol metè une vore a decidi cemût che a vevin di lâ lis robis.

— Ti metin sul cuviert de stale, tu saltis jù sul côl dal fen che al stâ sot, e po cuant che tu sês a mieze strade, il dint si distache, « ploff »!

— « Ploff! » — a disè la piçule Ide a sbalçave. Ma a dispiet di dut chel che a veve prometût, Line cumò si refudave e no voleve lâ sù sul cuviert

41 (215)

Disint cussì, al cjapâ sù al spali, che ancjemò al pendolave de bocje di Line e lu puartà fin a le piere di uçâ, indulà che Fredo al uçave la sô see e il pari di Milio lis sôs manariis e i siei curtìs. Milio al leà al spali ator de bree che a faseve zirâ la piere. Nol restave altri che scomençâ la manovre!

— Cun chest sisteme nol sarà un « ploff » a sec, ma dome un « drrrrr » lent cemût che tu lu volevis tu!

— al disè Milio.

La piçule Ide si sgrisulà di pôre, Line a sberlà e si lamentà e Milio al scomençà a zirâ la leve. Al spali, che prime al jere fât sù par tiere, si scurtà e si slungjà simpri di plui, e plui si tirave, plui Line a jere spauride, ma cori no podeve dal sigûr.

— Cumò al tache a fâ « drrrrr »! — a disè la piçule Ide. 

 

40 (214)

a mont, ma aromai al jere masse tart. Vê le di gnûf sentade su le scjale de cusine, cul dint tal so puest e l’aiar sdrumât. Ma Milio no si petâ par vinçût.

— O âi di cjatâ un altri sisteme! — al disè.

— Bielzà, un che però nol va cussì svelt! — i domandà Line suplicante. — Chel galiot di dint nol à bisugne di lâ fûr cun tun « ploff »: tu puedis fâlu vignî fûr ancje culis buinis!

Dopo vê rifletût un moment, Milio al savè cemût che al veve di lâ indenant.

Line a veve di sentâsi par tiere sot dal grant piruçâr, e intant che Fredo e Ide a cjalavin curiôs, Milio la leà ben al tronc cun tune cuarde gruesse.

— Nol è pericul che tu coridis masse! 

 

39 (213)

E Milio al fasè come che al veve dit. Al puartà Luche fin denant de scjale de cusine e cuant che le operazion spali a fo finide, al montà a cjaval. La puare Line a dave sù in sbrocs e laments intant che a stave peade daur de code dal cjaval e la piçule Ide a tramave, ma Fredo al diseve sodisfat:

• Cumò no nus reste che spietâ il ploff! “.
• e Milio al partì al galop.
• - Oh! Oh! Oh! Tra un moment o sin! -

Ma nol fo cussì. Parcè che al partì al galop ancje Line. A veve une pôre mate ploff!” dal “ che al sarès rivât cuant che il spali si tirave propit al massim e par chel, cjapade di une angosse mortâl ma a coreve a le stesse velocitât di Luche. No servive a nie che Milio i sberlàs di lassà sta: Line a coreve, il spali nol jere in tension e nol fo mai un “ploff!”.

Ma aromai Milio al veve decidût di judà Line a disfâsi dal dint e si jere metût di inzen. E alore al acelerà in direzion de palade, che Luche al superà cun tun salt.

Daur a vignive Line dal dut voltade di cjâf pal terôr e ancje jê a saltà nie di mancul che la palade. La piçuile Ide che stave a cjalà no varês mai dismenteât chel spetacul. Par dute la so vite si sarès visade di cemût che Line cu le muse sglonfe a balon, i voi dilats pal terôr e il spali picjât fûr de bocje a veve passade la palade e sberlânt:

• Fermiti! Fermiti! No ài voe di savê dal “ploff!”.

Dopo Line si vergognà di vè mandât dut a

38 (212)

A jerin Fredo e la piçule Ide impotents.-

Tu varessis di lâ cence altri li di Sme – Pelle! Al diseve Fredo.

Sme Pelle al jere il fari di Lonneberga: al jere lui che al gjavave i dincj che a fasevin mal ai abitants di Lonneberga, cun lis sôs tanaiis grandis e spaventosis.

• Trop cjolial par gjavâ un dint? - a domandave Line tra i suscj.
• - Cincuante centesims a ore – al disè Fedo, e Line a saltà tal capî trop che gjavâ un dint al fos lunc e cjar.

In tun lamp di meditazion, Milio al rivà a une conclusion:

• O soi sigûr che o pues gjavâti il dint plui di corse e a bon marcjât. O cognòs il sisteme. - al disè.

E cussì al spiegà il sisteme a Line, a Fredo e a le piçule Ide.

• Jo o ài bisugne di dome dôs robis; Luche e un spali lunc e resistent, O met il spali ator dal dint di Line e po o sburti Luche al galop e, “ ploff” il dint al partîs!
• - “ Ploff” sigûr, tantis graciis! A disè Line indignade – Chi cun me no si galope! -

Ma propit in chel moment il dint i fasè ancjemò plui mâl di prime, e Line a cambià parè. A mandà fûr un suspîr profont.

• Provin, a ogni mût che Diu mi judi, puarete jo! - a disè e a lee a cirì il spali.

37 (211)

— Al è rivât il tif a Jönköping — a disè, prime ancjemò di dî bundì a Milio, e i ficjà il gjornâl sot i voi, prime ancjemò che lui al podês viodi. Just! Al jere scrit che doi abitants di Jönköping si jerin inmalâts di tif perniciôs e Nene-Marte a faseve mot di sì cul cjâf, contente.

— Il tif al è une malatie teribile! — a disè. — E di strade a rivarà a Lönneberga, crodimal!

— Parcè? Cemût puedie rivâ chi? — i domandà Milio.

— Al svole come il polin des talis sù dut al Småland intant che tu tu stâs chi cuiet — a spiegà Nene Marte— Semence di tif a chilos, e Diu al judi chel li che al à inlidrisât!

— Cemût isal? Pressapôc come la peste? — i domandà Milio.

Nene-Marte i veve contât de peste: e al jere al corint di dutis lis malatiis e calamitâts di chest mont e la peste e jere alc di di fâ pôre, jê a veve dit, che une vore di timp prime a veve inmalât cuasi dute la popolazion dal Smaland.

Nene-Marte a medità un moment.

— Sì, e jê Pressapôc come la peste — a disè esultant. — No sai avonde, ma mi somee di visâmi che prime si devente blu in muse e po si crepe. Bielzà, il tif a jê une orende malatie, ce no!

Po a sintì dal mâl di dincj di Line, de sô muse disfigurade tal biel mieç dal cafè de domenie e imprometè di lâ a Katthult a pene pussibil.

Milio al tornà a cjase e al cjatà Line sentade su lis scjalis de cusine, dute in zemudis pal mâl di dincj, e dongje

36 (210)

Se tu tu âs cjaminât cualchi volte in tun bosc dal Småland une domenie matine di buine ore, tal mês di Jugn, no tu puedis jessiti dismenteât. Si sint il cuc che al cjante, lis vôs flautatis dai mierlis, il troi sot dai pîts al è biel slis e il soreli ti scjalde in maniere plasevule la schene. Tu cjaminis e ti plâs l’odôr de resine dai peçs e dai pins e tu viodis lis rosis des trisculis di bosc vignî fûr blancjis tes largjuris. Cun precision cussì al jere par Milio e sicheduncje lui nol veve nissune premure. Cun dut achel al rivâ a le fin a le cjasute di Nene Marte, che si jevave piçule, grise e cjadinte e si olmave a stentis vie par i peçs.

Dentri a jere Nene-Marte a lei il « Gjornâl dal Småland » spauride e contente intal stes moment di alc che al jere scrit.

35 (209)

moment che a jentrà Line e cuant che la lampà, al soflà cussì fuart dentri de tace che il lat al traviersà la taule e al là a finî sul biel gjilè de domenie dal pari. Ancje de bande di Fredo si sintì une lizere ridaçade; sì, al jere parbon un pecjât par Line! La mame a cjalà di brut cei in maniere severe Milio e Fredo e a disè che nol jere par nuie une robe di ridi, ma intant che a suiave il pari di Milio, a cjalà di gnûf Line e i scjampà une stranie espression:

a veve l’aiar di capî parcè che Milio al jere sbrocat in chel mût. dal sigûr, però, che Line i faseve un grant dûl. — Puare piçule! — a disè. — No tu âs un aspiet normâl, no tu puedis fâti viodi in public. Milio, cor di Nene-Marte e domandigji di vignî a judânus a servî il cafè!

Bevi il cafè la domenie dopo la messe, a jere une robe che plaseve a Lönneberga, e sicheduncje ducj si jerin indalegrâts tai cjasâi dulintor, cuant che e jere rivade la letare de mame di Milio, indulà che al jere scrit:

Preseâts Sioris e Siôrs,

Alme e Toni Svensson di Katthult, Lonneberga, a àn il plasê di invidâus a cjoli il cafè, domenie che vên, dopo la messe.

A jere ore di lâ in glesie. Il pari e la mari di Milio si inviarin, par vie che al è clar che vessin di lâ a messe, prime di podê cjoli un cafè « dopo la messe ».

E Milio al là ubidiente di Nene-Marte. A jere une biele matine, e lui al siviluçave content tal percori la stradele che a puartave a le cjasute di Nene-Marte che a jere a stâ in tune vecje tignude sù tal bosc.

34 (208)

de muse putropis, parcè che a pene si fo sentade sul scagn de molzidure a rivà une jespe e la becà su le muse çampe. A varês vût di jessi contente, tu pensaras, parcè che la muse çampe si sglonfà di buride e si fâse gruesse come la muse a man drete. A veve otignût chel che a voleve:

vê la stesse muse des dôs bandis. Invezit a vaì plui di prime.

A jere daûr a tornà di vore a cjase, cuant che a jentrà in cusine, ducj a jerin sentàs a taule pe prime gulizion e ti siguri che a discocolarin i voi tal viodi che robe sglonfe e rosse di lagrimis ehe a comparì a colp su le puarte e a veve di rapresentà Line. Puarine, al vignive di vaî a viodi come che a jere ridusude! Sicheduncje nol fo zentîl di bande di Milio sclopà a ridi. Al stave puartant la tace di lat a le bocje tal

33 (207)

Domenie 13 di Jugn: cuant che Milio al inventà trê sistemis par gjavâ vie il masselâr di Line e po al piturà la piçule Ide di culôr blu.

Lis vacjis a vevin di jessi molzudis, che al fos domenie o un dì di vore. A lis cinc di matine a sunà la svearine in cusine, e Line a clupignâ fûr dal jet dal dut instupidide dal dolôr. A butà une voglade tal spieli parsore il comò e a petà fûr une zigade tremende. Diu nus vuardi, cemût che a jere cumbinade! La muse a man drete a jere sglonfe come une fuiace ben jevade. No, al jere masse teribil! Line a scomençà a vaî.

A faseve parbon dûl, parcè che propit chel dì cuasi ducj i abitants de zone a vevin di vignî a Katthult pâl cafè dopo la messe.

— E jo no pues fami viodi, cun tune bande de muse diferente di che altre! — a murmuià Line e si invià fricuçânt a le molzidure.

Ma no a veve di avilîsi a dilunc pes dôs bandis

32 (206)

A Backhorva ducj mantignivin il cidin in proposit.

— Salacor cumò o rivarin a savê ce che al à scrit!

— al disè Milio, un frut cussì in gjambe che di bessôl al veve imparât a lei par corsîf e par stampatel.

al vierzii la letare e la leii a vôs alte a Fredo. A fo robe di pôc, parcè che a jere une letare curte. Al jere scrit cussì:

« O âi viodût un ors. Mandait il vuestri recapit. Gudbay [goodbye] par cheste volte! »

— O podarai doprâ a stent cheste letare — al disè Milio.

Ma cheste a jere une robe di viodi!

A jê rivade la sere. Sabide 12 di Jugn si stave inviant a le fin, la gnot a calave sù Katthult in pâs e cidin par ducj chei che a jerin a stâ là, int e nemâi. Par ducj, infûr che par Line che a veve mâl di dincj. A jere svearine tal sofà jet de cusine; a zemeve e si lamentave, intant che la curte gnot di Jugn a vignive e a leve e fo di gnûf dì.

Un gnûf dì ancje te vite di Milio!

31 (205)

Le uniche robe che il pari di Milio al podeve lamentâsi, a jere che vecje scjatule di vilût, che no jere di nissune utilitât, ma che la piçule Ide i voleve une vore di ben a fuart. A meteve dentri il vignarûl, lis fuarpiis, e un libret di salms che i vevin dât a le scuele de domenie , e un biel toc di veri turchin, e la so gale rosse pai cjavei. Cuant che a veve ricevût la scjatule, al jere dentri un pacut di vecjis letaris, che jê a veve daurman butât par tiere. Ma cuant che Milio, liberât dal laboratori dal marangon, al jentrà in cusine chel sabide di sere, a lampà il pacut di letaris butât intun cjanton e lu cjapà sù. Fredo si zirave ator di che bandis cun tune palete pes moscjis e al sfracaiave moscjis a dut podê, in mût che Line a podês vê la cusine cence moscjis pe domenie, e, ve ca che Milio i mostrà il pacut di letaris

— Al pues simpri deventà util — al disè Milio — Se mi tocje di scugnì mandâ des letaris, chi o ài un grum bielzà scritis!

Parsore a jere une letare de Americhe, e Milio al sivilà tal viodile.

— Cjale, Fredo! Tu viodarâs che chi o vin une letare di Adrian!

Adrian al jere il fi plui grant di Backhorva, che al jere partît pe Americhe une vore di timp prime e in dut chel timp al veve scrit a cjase une sole volte. Dute Lönneberga a jere al corint, e ducj a jerin rabiâts cun Adrian par cheste reson, parcè che a vevin dûl pai puars gjenitôrs Ma chel che Adrian al scrivè, cuant che a le fin si decidè a scrivi, nissun lu veve mai savût

30 (204)

a tignive la scjatulute di vilût cun lis capis jenfri lis mans, come se a fos la robe plui biele che a veve vût te sô vite. E al jere ancje vêr. Ma il pari di Milio al bruntulave:

— Afârs di mats! Une vecje scjatule di vilût!

La piçule Ide no si jere inacuarte dal rivà di so pari, si che duncje no tasè, ma a continuà a dî zentîl e ubidiente, peraule dopo peraule, ce che Milio i sugjerive stant dentri chel scûr laboratori dal marangon. Il pari di Milio al deventà blanc in muse, parcè che a Katthult no si jerin mai sintidis peraulis cussì volgârs e no sunavin miôr dome parcè che Ide lis ripeteve cu la sô vosute dolce e soave.

— Siite, Ide! — al sbrocâ fûr il pari di Milio. Po al ficjà il pugn vie pal barcon e al cjapà di buride Milio pe cope.

— Vergognôs di un frut! Tu tu stâs li dentri a insegnâ a tô sûr a blestemâ?

— Jo no! — al disè Milio. — Jo i âi dome dit che no à mai di dî « al diaul » e po i âi metût tal cjâf dute une serie di peraulis che à di cjalâsi ben di dî.

Sì, cumò tu sâs cemût. che a là par Milio il 12 Jugn, e ancje se nol filà dut a puntin, bisugne ben cognossi che al fâse dai bogns afârs chel dì. Pense, in tun sôl dì al rivà a procurâsi tantis robis come: une buine vacje di lat, une straordenarie gjaline di ûfs, une otime palete pal pan e ancje tant lat par un formadi grant e scuisît.

29 (203)

si metè a intaiâ il so cent e vincj e cincheisim pipinot di len.

tal intant çumbâ-Lote a jere sistemade sul so baston tal gjalinâr, e Rolla a zirave ator di che bandis dute contente sul prât dutun cun lis vacjis di Katthult. Pôc dopo al rivâ il contadin di Bastefall a cjoli i siei sîs nemâi. Dutun cul pari di Milio si meterin a fevelâ a dilunc de vendite a le aste e di dut chel che al jere sucedût. Si che duncje al passà un pôc di timp, prime che il pari di Milio al podês lâ a cjapâ Milio. Il contadin di Bastefall si jere a pene slontanât, cuant che Toni si inviâ bande dal laboratori dal marangon.

Intant che si stave svicinânt, al olmâ la piçule Ide scrufuiade sù di un scagn fûr dal barcon dal laboratori dal marangon. 

 

28 (202)

plui mâl come dal rest jê a veve proviodût.

— Scolte un pôc — a disè Line al dint. — Cumò o sin pari!

Fredo al ridè.

Al è stât zentîl il contadin di Krakstorp a ufrîti des caramelis! — al disè. — Tu varessis di maridâtal, Line!

Line a sbrufà.

— Chel vecjat! Al à cincuante agns e jo a ‘nd ài dome vincjecinc! Tu crodis che jo o vueli vê un om che al è vecjo il dopli di me?

— Nol fâs nuie! — al disè Milio cun entusiasim.

— Ce impuartance aial?

— Tu cjacaris ben! — a disè Line. — Al pues lâ par cumò:

— ma pense cuant che jo o varâi cincuante agns, inalore lui a ‘nd varà cent! Folc ti trai Trops fastidis che o varès inalore!

— Tu fasis i conts balorts come al tô cjâf, Line! — a disè la mame di Milio e al sierà di gnûf la portele dal for daûr de ultime pagnoche. — Cheste e jê une otime palete pal pan — a disè.

Cuant che il pari di Milio al vê mangjât l’ûf e bevût il lat, inalore Milio al disè:

— Beh, cumò mi tocje al laboratori dal marangon!

Il pari di Milio al disè bruntulânt che chel dì no i someave propit che Milio al vês fât alc di meretâ al laboratori dal marangon, insom insom, ma Milio al disè a chel pont:

— Ah sì! Al è stât dit!

E al là bon e cuiet tal laboratori dal marangon e si

27 (201)

— Mâl di dincj — a disè Line cun vôs studade. Il contadin di Krakstorp i veve ufiert caramelis a martelet, cence polse, e si che duncje il so masselâr bielzà carulât i faseve mâl di fâi sclopâ il cjâf.

Mâl di dincj o no, a veve di lâ daurman al pascul a molzi lis vacjis di Katthult: il timp de molzidure al jere passât di un piès.

— Il timp de molzidure al jere passât di une vore ancje par Rolla e lis altris vacjis de aste, e a mungulavin fuart par dilu.

— Beh, ce puedio fâ jo se il contadin di Bastefali nol è chi a molzi lis sôs puaris vacjis! — al disè Milio e di bessôl al scomençà a molzi prime Rolla e po lis altris sîs vacjis e al otignì in chel mût trente litros di lat che sô mari a metè in cantine e che a so timp a fâse dal formadi. Un grues, biel formadi al fo regalât a Milio, e lui lu gjoldè par une vore di timp.

— Ma l’ûf che çumbâ-Lote a veve fât dilunc la strade di cjase, lu bulì daurman e lu metè sul taule di gustà, indulà che so pari inmusonît al spietave la so cene.

— Al è di çumbâ-Lote — al disè Milio.

— Po al disvuedà une tace di lat a pene molzût a so pari.

— Al è di Rolla — al disè:

— So pari al mangjà e al bevè a cidin, intant che sô mari a meteve dutis lis pagnochis intal for.

— Intant Line a veve metût une patate bulinte cuintri il dint che i faseve mâl, e chest i fâse siet voltis

26 (200)

de aste, e a discocolà i voi cuant che la lungje caravane a aparì dilunc la strade. Prime il cjar dal lat cul pari di Milio, Fredo e Line, e la scrove e çumbâ Lote, che a faseve contente cocode parsore un ûf, po siet vacjis in tune lungje file e ultin, in grope a Luche, Milio che al tignive ordin cun tune palete pal pan, in mût che nissune vacje a lâs fûr di file.

La mame di Milio a là di corse fûr di cjase cun la piçule Ide daûr di jê.

— Siet vacjis! — a sberlà al pari di Milio. — cui isal deventât mat: tu o jo?

— No, lis vacjis no — al murmuià il pari di Milio. Ma al scugnì murmuià ben di plui, prime che la mame di Milio a capîs cemût che a stavin lis robis. Al fo inalore che a cjalâ cun amôr Milio.

— Che Diu ti benedissi, Milio! Ma cemût âstu podût induvinâ che la mê palete dal pan si è a pene crevade pal mieç, propit intant che o vevi di infornâ lis pagnochis?

Po si metè a berghelà tal viodi il nâs di Fredo, che al jere dôs voltis plui grant dal solit.

— Ma indulà mai setu stât cun chel nâs? — i domandà la mame di Milio.

— A le aste di Backhorva — al disè Fredo. — E sabide che a ven si va a Knashult!

Line a dismontà dal cjar dal lat inmusonide e meditative. Par jê a jerin finîts i garbeçs e lis cocoleçs.

— Ce music! a disè la mame di Milio. — Ce ti isial sucedût?

25 ( 199)

Bastefall al stave di che altre bande de regjon e menâ sîs vacjis fin lâju, no jere la robe plui divertent: di chest il contadin di Bastefall al jere sigûr e nol fâse nissun sfuarç a tirâ fûr de sachete dai bregons vincjecinc centesims.

— Menilis tu! al disè. — chest al è par te!

Induvine ce che al fâse Milio? Al là di corse vie pal cjamp propit denant a Rolla fin a lis stalis indulà che al dispeà lis vacjis che a jerin peadis, e cuant che lis fâse passâ indulà che si cjatave Rolla, cheste a çoncjà a mieç une mungulade, a sbassà i voi e si vergognà clarementri des sôs tristis manieris... ma ce fasie une puare vacje, cuant che à di slontanâsi de sô vecje stale e restâ li bessole, cence lis altris amiis vacjis? Si avilîs e si rabiie, ma al jere stât dome Milio a capîlu.

Cumò Rolla a trotuçave dute mugnestre dutun cun chês altris vacjis dilunc la strade, e ducj chei che a jerin a le aste a riderin e a diserin:

— Chel fantat di Katthult nol è po cussì gnogno!

Ancje Fredo al ridè.

— Il paron di besteam Milio Svensson — al disè. — Cumò che tu âs un cjaval, une gjalinis çuete e une vacje mate, vûstu vê alc altri?

— Sì, cul timp o varâi alc altri — al disè Milio cun trancuilitât.

La mame di Milio a stave al barcon de cusine a Katthult in aspiet di viodi aparî i siei cjârs che a tornavin a cjase

24 (198)

— Ce tragjedie! — a disè Line, dopo vê viodût il contadin di Backhorva, di Krakstorp, di Bastefall, di Knashult e fintremai Burlaç cori a brene vierte cun Rolla daûr di lui.

A le fin ancje il pari di Milio si fiscà e al sberlà:

— Otante coronis O ài dât par chest implastri di vacje, ma puartâimi un fusîl che jo i trai!

Si sgrisulà di pôre tal dî chestis peraulis, ma no si podeve doprâ in nissun mût une vacje mate: lu capive lui e lu capirin chei altris. Si che duncje il contadin di Backhorva al cjapâ il so fusîl cjariât e lu metè in man al pari di Milio.

— Al è miôr che tu lu fâsis tu stes — al disè.

Inalore al intervignì Milio:

— Spiete un moment!

O ài dit che al jere un frut in gjambe. Si tirà dongje a so pari e al disè:

— Une volte che tu âs risolût di copâle, tu me puedis ben regalâ!

— Ce ti fâstu di une vacje mate? — al disè il pari di Milio. — Par lâ a cjace di leons, salacor?

Ma il pari di Milio al saveve che Milio al saveve fâ cui nemâi. Si che duncje al disè che se Milio al rivave a puartâ Rolla a cjase a Katthult, inalore a sarês stade la vacje di Milio par ducj i timps a vignî, cundut che mate a fos.

Inalore Milio al là dal contadin. di Bastefall, chel che al veve comprât lis altris sîs vacjis, e al disè:

— Trop mi dastu, se ti puarti lis vacjis fin a Katthult

23 (197)

su la strade e puartâle a Katthult, si liberà cun un tiron e a mandà fûr une mungulade cussì infernâl che ducj chei che a jerin a la aste a saltarin di pôre. Salacor a veve viodût cemût che si jerin petats i fameis e a veve concludût che se a veve di jessi une aste, che a fos une aste cui flocs! In ogni mût, cumò a jere dal dut voltade di cjâf, salvadie e pericolose di lai dongje. Prime al provâ Fredo e po il pari di Milio, ma Rolla ur coreve daûr cui voi che a butavin fûr faliscjis, i cuars sbassâts e munguladis altis, e sedi Fredo che il pari di Milio a scugnirin tovâse come jeurs par salvâsi. A rivarin une vore di altris cu le intension di dâ une man, ma Rolla no sopuartave di viodi nissun contadin sul so teren e si che duncje a mandave ducj a passon.

22 (196)

I fameis nol jerin par nuie rabiâts cun Milio. Si jerin spacàs jù dut chel empit salvadi e a jerin sodisfats che la lote a fos finide par che volte.

— A proposit, la setemane che ven a jê la aste di Knashult! — al disè Burlaç poiânt la barete cuintri al nâs par stagnâ il sanc che al lave fûr.

Milio al cjapà al svol le ocasion e al lâ dal contadin di Knashult, che al jere presint e al veve viodût la barufe, e i vendè al estintôr par cincuante centesims. -.

— Ve ca, fât: O ài vuadagnât vincjecinc centesims!

— al disè Milio a Fredo, e propit inalore Fredo a scomençâ a capî che Milio al veve dutis lis pussibilitâts di deventà un grant om di afârs, di grant.

La aste a jere finide e ducj a vevin di instradâsi a cjase cui berdeis che a vevin comprât. Ancje il pari di Milio al voleve lâ a cjase cun la sô vacje e la sô scrove. La scrove la cjariarin sul cjar dal lat e ancje çumbâ-Lote a fo sistemade là sù, a dispiet che il pari di Milio la cjalàs cun dispiet. Rolla, la vacje, a veve di staur daûr al trot, cussì al jere stât risolût. Ma nissun al veve domandât a Rolla cuale che a fos la sô opinion.

Salacor tu varàs scoltât fevelâ di taurs infuriâts. Ma sâstu alc di vacjis salvadiets? Se no, o pues dîti jo che cuant che une vacje si infurie pardabon, ur vegnin i sgrisui a ducj, cjapats dentri i taurs plui ferbints dai contors, che a corin a platâsi.

Chê Rolla, a jere stade par dute la sô vite la vacje plui buine e cuiete che tu puedis impensâti. Chel dì però, cuant che Fredo e Line si tirarin dongje par menâle