Se
ti è mai tocjât di partecipâ a un tratament, dulà che a colp al
jentre un cjaval, inalore tu sâs che un grum di int a discocole i
voi e strabalce cun precision come se no vês mai viodût un cjaval
prime. Cussì a faserin ancje al tratament dal sindic. Soredut il
sindic. Al saltà par aiar e un toc di torte i là in stuart, e si
che duncje nol rivà a emeti une peraule in sô difese, cuant che
Gofrêt al sberlà:
— Ce
viodistu cumò? Lu viodistu che a esistin fantats cun cjavai?
Insom
insom i presints al tratament si legrarin che al fos jentrât un
cjaval; al è dal dut naturâl dal rest, parcè che i cjavai a son
nemâi plasevui. Ducj a volevin cjareçà Luche. Milio al stave
sentât in grope al cjaval e al riduçave content. A podevin ben
cjareçà il so cjaval.
Ma,
ve ca che al rivâ un vecjo Maiôr, che al voleve dimostrarà di
intindisi di cjavai. Al intindeve cjareçà un pôc Luche su lis
talpis daûr e — ohi, ohi, ohi — nol saveve trop che Luche al
patîs il ghiti!
Il
sindic al jere a pene rivât a parà jù chel toc di torte e al stave
par scomençà a rispuindi a Gofrêt, cuant che propit in chel secont
il Maiôr al cjareçà la talpe daûr
di Luche. Il secont dopo a partirin un pâr di ripadis che ribaltarin
la piçule taule di servizi che a stave daûr, e no si sa cemût a
partì di svolade dute la grande torte di creme, a traviersà la
stanzie e a colà cun tun ton drete su le muse dal sindic.
— Blurp!
— al disè il sindic.
Nessun commento:
Posta un commento