E
te oscuritât de sere di Otubar, pes stradis di Vimmerby la int
ancjemò a spassizave e a rideve, e a sberlave, e faseve davoi e
ancjemò no saveve se a veve di rivâ alc di legri o alc di teribil.
E
tal ultin a rivà! A rivâ la robe teribile, ce che cun terôr la int
a stave spietânt. Intun moment dut il cîl de bande dal zardin dal
sindic al là in flamis. Di strade al spazi si jemplà di faliscjis,
sarpints sflamiantti e zirandulis slusintis e lenghis lampizantis cun
bots, rumôrs, sclopetaments, tons. dut al fo a colp teribil e la
disgraciade int di Vimmerby a vignì blancje in muse di pôre.
— La
stele comete! — al sberlavin ducj. — jutori! O murìn!
Berlis
e vaiudis a jemplarin come mai al jere sucedût l’interie citât.
Ducj a pensavin che al fos rivât il lôr ultin moment. Puare int,
nol jere di maraveâsi se a sberlavin e se colave
in svaniment
a grums pes stradis.
Dome
la siore Petrell a restà dal dut calme te sô verande a cjalà la
sfere de Tiere che sgurlave là di fûr.
— A
lis stelis cometis no crôt plui — a diseve al gjat. — o scomet
cualsidisi robe che al à di jessi di gnûf chel Milio in azion.
E
la siore Petrell a diseve des peraulis santis. Al jerin stâts propit
Milio e la sô piçule pulç che a vevin dât fûc a dute la mont di
fûcs artificiâi fâsentla saltâ par aiar in tun colp sôl.
Al
fo però une fortune che il sindic si cjatàs di fûr
Nessun commento:
Posta un commento