sisteme A tal fin, Milio al cjapà e metè in tension un tramai pes surîs cun tun bon tocut di persut e la sistemà a ret da buse dongje de cassele dai lens. Ma po al pensâ sù. Che se la pantiane a vês viodût il tramai a pene metût fûr il nâs de buse, si sarês insospetide e no si sarês lassade gafà par nuie Al sarês stât miôr, al pensà Milio, lassâle sbisià pe cusine beade e cuiete, e po di pont e in blanc fâi incuintrâ il tramai, indulà che mancul a pensave. Par un moment al pensà di poiâ il tramai sule muse di Line, parcè che e jere li che la pantiane e jere solite cori, ma al veve pôre che Line si sveàs e a vuastàs dut. No, al veve di cjatâi un altri puest. Parcè no sot de grande taule pleabile? Propit li une surie e varês vût di lâ a cirî i fruçons di pan: sì, sì, no dongje però dal puest dal pari di Milio si capîs, là a jere scjarsetât di fruçons di pan.
« Ce robe teribile! » al pensà Milio e si blocà a colp in mieç dal paviment de cusine. « E se la pantiane a rivàs propit li e no cjatàs dai fruçons di pan e a tacàs a roseà invezit al poleâr dal pît dal pai? »
Nol veve di sucedi, Milio al veve di fâ che nol deventàs. E sicheduncje al plaçà il tramai cun precision indulà che so pari al jere solit poiâ i pîts e po si impirâ tal jet une vore content di se stes.
No si sveà prime che e fos la lûs e forin des ciuladis che vignivin de cusine a dismovilu.
« Scolte come che a berlin ducj contents parcè che la pantiane e jê stade cjapade! » al pensà Milio, ma un secont dopo a rivà
Nessun commento:
Posta un commento