Par ore di gustà Milio al fo
lassat lâ fûr e cuant che al jentrà in te cusine, Ide i lâ di corse incuintri sclipignant
gjonde.
— O vin la mule par gustà! — a disè.
Salacor tu no tu sas ce che
jê la mule? E jê une specie di fritule fate cul sanc fresc di purcit, dute nere
e buinissime. Al somee al budin di mule, ma il savôr al è diferent e salacor
miôr.
Par vie che la purcite e
jere stade a pene purcitade a Katthult, al jere clâr che la mame di Milio a vês
di cuei la mule. E veve dât dongje la pastele in tun grant plat di crep che al
stave sule taule.
— Jo a ‘nd mangjarai disevot tocs! — a disè Ide fasintsi grandiose, cundut
che a fos une cacite che al plui a podeve butà jù un mieç toc.
— No tu puedis par vie dal pai
— al disè Milio.
— Dulà isal a proposit?
Si è distirât par polsâsi —
a disè Ide.
Milio al cucà dal barcon de
cusine. Propit vêr, sule jerbe là difûr al jere distirât so pari cul so grant
cjapiel di stranc parsore la muse al faseve la polse come che a jere sô usance
fâ. Di solit la faseve dopo gustat, ma chel dì al jere parbon une vore strac; come
che al sucêt cuant che un al
scomence la zornade in tun tramai pes surîs.
Milio al lampâ che so pari
al veve la scarpe dome tal pît dret. Sul moment al sperà che al fos par rude avarizie;
so pari al veve salacor risolût di no usâ plui di une scarpe par volte. Ma po
si visà dal tampon maglât di sanc sul poleâr dal pît çamp, e inalore al capî.
Il poleâr dal pît i faseve tant
Nessun commento:
Posta un commento