11 (83)

par chest al restà cuiet dongje de puarte e po si metè a sentâsi cun trancuilitât sul çoc par sclapâ i lens e al scomençà a intaià un divertent omenut di len. Al jere solit fâlu ogni volte che al vignive sierât dentri in tal laboratori dal marangon dopo cualchi baronade e al jere bielzà rivât a fâ novantesiet di lôr. A stavin ben in rie suntune scansie, e Milio si legrà tal viodiju e tal pensà che di strade a ‘nd varês vûts cent. Al sarês stât in efiets un vêr jubileu.

« Chel dì o parecjarai un tratament in tal laboratori dal marangon, ma o invidarai dome Fredo ». Al cjapâ cheste decision, intant che al stave sentât sul çoc di len cul curtìs par intaiâ in pugn. Di lontan al sintì il bruntulament di so pari, ma di strade si calmà. Invezit a rivavin altris berlis une vore plui scriulis, e Milio al pensâ conturbât ce robe mai stessie sucediint. Po si impensà che la grande scrove chel dì a veve di jessi purcitade, lis zigadis di pôre a jerin siei. Puare scrove, ancje par jê il 28 Lui nol jere un dì par nuie divertent! Eh no! E jerin tune vore a no divertîsi in ta chel dì!