Cussì e disevin i paisans. Se e vessin imagjinât il futûr di Milio, se e vessin previodût che di grant al veve di deventà sindic, no varessin cjacarât ta che maniere! Tu salacor no tu sâs ben ce cal è un sindic, ma ti garantis jo che e jê une cjarie altissime, e chest al sarês deventât Milio plui in là.
Cumò, però, limitìnsi a contâ ce che i tocjâ a Milio di piçul, cuant che al viveve te colonie di Katthult tal paisut di Lönneberga, te regjon dal Småland, cul pari che si clamave Toni Svensson, la mame che si clamave Alme Svensson, e la sûr plui piçule Ide. Te colonie e vivevin ancje un famei di non Fredo e une massarie di non Line parcè che ai timps de infanzie di Milio e esistevin masarijes e fameis, a Lönneberga e par dut. I fameis e aravin, e viodevin dai cjavai e dai bus, e puartavin il fen sul cjar e lu metevin tal toglât, e plantavin
Nessun commento:
Posta un commento