Milio

Jentrade


Milio di Lònneberga al jere il non di un frutin che al viveve a Lònneberga: un frut ribel e ustinât, di sigûr no bon come te. Di bon e zentîl al veve la figure: cuant che nol sberlave, naturâl. Al veve grancj vôi celescj, une musute taronde e coloride, i cjavei bionts come il forment. Al jere cussì dolçs e biel, cal someave un agnulut. Ma al jere miôr no fasi ilusions! Al veve cinc agns e al jere fuart come un torel. Al viveve te colonie di Katthult tal paisut di Lònneberga, te regjon clamade Smàland, in Svezie.
Une volte so pari al lee in citât e i comprâ une barete cualsisei cu le part parsore zale e la visiere blu. A Milio che barete i plasè tant che la sere, cuant che, al jere il moment di là a durmì, al disè: «O vuei la mê barete.»