02

Sô mari no jere dal parè che Milio al les tal jet cu la barete: e veve di restà sul riplan de verande che e servive di jentrade. Ma i berlis dal frut si sintirin in dut il paîs: «O vuei la mê barete!»
Milio al durmî cu la barete sul cjâf par trê setemanis: l’impuartant al jere vincile e su chest pont Milio al jere iremovibil. No le varês mai dade vinçude a sô mari. Un altre volte, a Nadâl, la mame e tentâ di fai mangjâ des vuaìnis bulidis, parcè che lis verduris a fasin ben a le salût. Ma Milio al disè di no.