— A ce fin? — al diseve il pari di Milio. — cun dutis lis baronadis che al invente che peste di fantat, tu finissis cul frujâ la nestre pene stilografiche, i âstu pensât?
La mame di Milio no lu scoltave. A scriveve cun fedeltât dutis lis baronadis di Milio, parcè che Milio al podês savê un dì, cuant che al fos deventât grant, ce robis che al veve fât di piçul. Eh sì, inalore al varês capît parcè che sô mari e jere bielzà dute grise e le varês amade salacor di istès cun ducj chei cjavei grîs che i jerin vignûts par colpe sô.
Cumò no sta pensâ che Milio al fos trist, oh no! Sô mari veve a pinel reson cuant che e diseve che al jere un brâf frut e al someave a un agnul cui siei cjavei bionts e i siei dolçs voi celescj. Milio e jere propit ninin, e la sô mame a veve reson.
« Îr Milio al è stât bon » scrivè tal so libri il 27 di Lui. « nol à fât baronadis par dute la zornade parcè che al veve la fiere alte e propit no je faseve. »
Ma bielzà il 28 di Lui la fiere di Milio si ere sbassade, tant che lis sôs baronadis a jemplarin putropis pagjinis dal cuader turchin. Parcè che al jere fuart come un piçul bo, chel fantat e a pene ch’al stave ben si impegnave daurman a rimetisi in pari.
— Mai viodût un fantat simil! — e diseve Line.
Salacor tu âs bielzà capît che Milio a Line no i pocave masse. I plaseve plui la piçule Ide, la sûr piçule di Milio:
Nessun commento:
Posta un commento