sepulture, Puare Lote!
Cuant che Milio al
vignì
fûr dal dipuesit
dai lens, al lampà che il gjal e Scriç si jerin di gnûf tirâts
dongje des lôr cjariesis. A jerin, doi fantats in gjambe, dal sigûr!
Prime fâ murî di pôre lis gjalinis e po continuâ cun trancuilitât
cul tratament, come se nuie al fos sucedût! Il gjal, almancul, al
podeve vê chel tant di dignitât di mostrà un ciert dolôr, viodût
che in tun lamp al jere restat cence dutis lis sôs sioris, ma al
someave cjapâse cun calme.
Cun dut achel, no rivarin a
mangjâ lis cjariesis cun grande ingordisie. parcè che a colp il
gjal al plombà jù ancjemò par tiere e daurman dopo ancje Scriç.
Milio al jere cussì rabiôs cun
ducj e doi, che no si domandà nancje se jerin vîfs o muarts, tant
si visavisi che no jerin muarts come lis gjalinis. Il gjal al
scornossave cun debilece, menânt un ticut lis talpis, e Scriç al
jere distirât a voi sierâts, ma al cirive di tant in tant di vierzi
i voi e al rantigave.
Su le jerbe a jere restât un
biel grum di cjariesis, e Milio al cerçà une. Nol veve cun
precision il solit savôr des cjariesis, ma, pe veretât, no jere
triste. Cemût podevie vignî in tal cjâf a sô mari di sepulî des
pomulis cussì buinis?
La mame, bielzà! Cumò al
scugnive là a contài la disgracie che ur jere sucedude a lis
gjalinis. Ma nol veve une grande voie di fâlu. no daurman, almancul.
Al mangjà pinsirôs ancjemò un pâr di cjariesis.., e po ancjemò
un pâr.... no, nol veve nissune voie di movisi daurman!
Nessun commento:
Posta un commento