ocupâsi
des gjalinis, che a jerin ancjemò distiradis su la jerbe. Ma a rivà
la piçule Ide e lis cjareçà dutis, une par volte, e ogni gjaline
a saltà sù di gnûf vive. Dal sigûr, parcè che no jerin mai
muartis: a jerin dome divignudis pal spac, cuant che Scriç ur dave
sot; cussì al pues sucedi cualchi volte a lis gjalinis!
Ma Ide a jentrà fiere in
cusine, indulà che sô mari e sô pari a jerin sentàs a patî e a
vaî; cumò, almancul, a veve ancje jê des gnovis di puartâ.
— Sì, cumò almancul, o ài
risussitât
lis gjalinis! — a disè
contente.
Il gjal, Scriç e Milio a jerin
avonde metûts in sest
la matine dopo. Cun dut achel
il gjal no podè cjantà par trê dîs. Di tant in tant al provave,
ma no i vignive fûr « chicchirichì », ma ben dome un oribil sun
che lu meteve in grant imbaraç. Lis gjalinis lu cjalavin ogni volte
cun cridade, e inalore il gjal si platave tes cisis e si vergognave.
Scriç nol sintive vergogne. Al
someave invezit che la provàs, par dut il dì, Milio, e Line lu
stuzigave.
— Incjocâsi
dutun cun tun purcit, biele robe, dal sigûr!
— Purcits cjochetons, o sês,
tu e Scriç e jo o pensi propit di clamâus cussì, di cumò in
denant
— A gno avis tu varessis
propit di finîle — al diseve Fredo
cjalant fis Line, e inalore jê a stave zito
Ma la storie no finì li tal
dopodimisdì si presentarin
sul porton di Katthult trê oms seriôs, trê membris de « Leghe pe
Temperance » di Lonneberga.
Nessun commento:
Posta un commento