nancje il timp di restâ a cenà,
parcè che a veve di là daurman al paisut a contà a ducj in
compagnie e a ognidun in
mût individuâl
— Ohiohiohi! Puars Svensson a
Katthult, Milio, chel disgraciât, si è incjocât e al à copât
dutis lis gjalinis, ohiohiohi!
Fredo al jere l'unic che al veve
ancjemò un pôc di bon sens. Al corè fûr cun ducj i altris, a pene
Line a rivà cun lis sôs teribilis gnovis, e al cjatâ Milio
distirât su le jerbe dongje di Scriç e dal gjal. Sì, Line a veve
reson, Milio al jere parbon cjoc madûr. E al jere distirât, a
elefant vie, ribaltât sù Scriç, i voi sledrosâts, e si viodeve
che al veve la nausie. La mame di Milio a sclopà tal vaî plui
disperât, cuant che a olmâ il
so puar disgraciât frut, e a voleve daurman traspuartâlu te cjamare
di jet, ma Fredo, che si intindeve di chestis robis, al disè:
— Al è
miôr par lui di restâ fûr tal aiar fresc!
E po Fredo al restâ dute la
sere sentât sui scjalins de sô cjasute, cun Milio in tal braç, lu
judà cuant che al veve bisugne di tornà fur e lu consolà cuant che
al vaìve dal sigûr, parcè che Milio si dismoveve di tant in tant e
al vaìve su la sô tristerie. Al veve sintût a dî che al jere
cjoc in bale, cundut che nol rivave a capî cemût che a fossin ladis
lis robis. Milio nol saveve che, cuant che si fâs il vin di
cjariesis e chestis a àn bulît avonde a dilunc, inalore lis pomulis
a son plenis di chel alc che al fâs incjocâ..
Ve ca parcè che la mame di Milio i veve dit di sepulî lis
cjariesis tal grum da scovace, ma .invezit lui lis veve mangjadis:
Nessun commento:
Posta un commento