In cusine, la mame di Milio a
veve a pene dât dongje il past de sere par i seseladôrs, e veju
rivâ a cjase ducj in
compagnie:
il pari di Milio e Fredo e Line e Nene-Marte, stracs e plens di fan
dopo une lungje zornade di lavôr. Si sintârin ator de taule de
cusine. Ma il puest di Milio al jere vueit e la mame di Milio si
impensà che no lu veve viodût di un biel toc.
— Line, va a viodi se Milio al
è fûr lì di Scriç — a disè la mame di Milio.
Line a
vignì fûr e a
restà a dilunc fûr. Cuant che tal ultin a comparì su le puarte, si
blocà su le puarte e a spietà che ducj la cjalassin. Il fât
incredibil che a veve di contà, al voleve che lu scoltassin ducj
insiemit.
Nessun commento:
Posta un commento