106 (280)

solide e buine che no cedeve di nuie.Il pari di Milio si discjadenave simpri di plui. Al scomençà a sgarfà tes sachetis a le ricercje da sô britule; al sarès rivât a vierzi une fressure te puarte, tal di sburtà fûr la ponte dal curtìs e alçà su. Ma la britule al jere tai sôi bregons di ducj i dîs e chel dì al veve i vistîts bogns. Il pari di Milio al restà un biel pôc a sbrufà di rabie: no, nol sacraboltave parcè che al jere un om di glesie timorât di Diu, ma an disè di ducj i colôrs su Milio e su chel ciert Trisse che nol veve nancje fât une barconete come che si devi te barache di Trisse, dome un piçul impieferâi stret, in alt, parsore de puarte. Il pari di Milio al fissà rabiôs il impieferâi che al jere pardabon masse piçul, po al tirà di gnûf un pâr di potentis pidadis cuintri la puarte, e po si sentà a spietà.
A jerin trê puescj par sentâsi te barache di Trisse e lui si lassà colà su un di chescj. Al stave sentât a crustâ i dincj pe rabie e al spietave, seneôs di sanc, che al vignis cualchidun, cualchidun altri che al vês bisugne de barache di Trisse.
“ Ma a sarà une disgracie pal prin che al rive parcè che lu coparai subit! - al pensave, e al jere pardabon injust e par nie zentîl di bande dal pari di Milio. Ma, par caritât, o vin di capì che al jere fûr di se.
A calà il scûr su le barache di Trisse; il pari Milio al jere là sentât a spietà e spietà e spietà ma nol rivave nissun. Al sintive la ploie ticà cuintri il cuviert, e