des cjariesis, ma i membris da
Leghe de Temperance a continuavin a vee une espression preocupante su
le muse e un al disè:
-D' acuardi, si rindin cont di
dut, ma a Milio nol pues fai mâl scoltâ usgnot des buinis peraulis.
Il pari Milio al jere d'acuardi.
No che al fos sodisfat! Nol veve di jessi divertent stâ li in prin
plan tra lis personis che a partecipavin a la riunion, a dovêsi
vergognâ dal so fantat, ma forsit al jere util lâ par puartâ Milio
su le strade de sobrietât.
- Lu compagnarai jo – al bruntulà in maniere nereose il pari di Milio,
- No, se cualchidun al à di compagnâlu chel cualchidun o sarai jo – a disè la mame di Milio. - O soi jo che o ài fât chel maledet vin e no tu âs di jessi tu a penâ Toni. O soi dome jo che o ài bisugne de predicje su le sobrietât, ma o pues, cence altri, puartâmi daur Milio, se voaltris o crodês che al sedi necessari.Cuant che a rivà il sot sere, Milio al fo vistût cu la monture de domenie; al metè ancje la barete: nol veve nie in contrari a jessi convertît, al sarès stât divertent jessi un pôc tra la int.
- Ancje Scriç al sarès stât d'acuardi. Cuant che Milio e so mari si meterin in moto, Scriç al curvà la schene pront a laur daur. Ma Milio al disè: “Distirât!” e inalore Scriç si distirà mugnestri par tiere e al restà sul puest, dal dut imobil, ancje se al restà a lunc a fissà Milio.
Nessun commento:
Posta un commento