92 (266)

 

- 

• Sveiti, Milio! - a sberlave. - Sveiti, che tu viodis alc di divertent! -
• Po a tasè parcè che so pari le cjalà di brut voli: cence dubi nol capive ce che al fos di cussì divertent.
• In chel jenfri la mari di Milio a si strissinave sul paviment e a cjapave su gjambars. Dopo dôs oris a jere rivade a cjapâiu su ducj, e cuant che Milio a la fin si sveà, tal dopo di misdì, al sintì dome il profum celestiâl dai gjambars a pene bulîts, che al vignive de cusine, e chest al rivà a metilu in pîts di bon umôr.
• Par trè dîs a Katthult a mangjarin gjambars e a fo une vere gjonde. Cun di plui Milio al netà une cuantitât straordenarie di codis di gjambars e lis vendè a le femine dal pastôr di animis a vincj e cinc centesims il chilo. Al dividè il vuadagn tant par om cun Fredo che al jere simpri a curt di bêçs e al considerave Milio straordenari pes sôs cjatadis.