Mi è vignût propit dal cûr!”
al disè il frutat di Katthult bussânt la mestre: cussì si diseve
e si dîs ancjemò vuê, che o savedi jo.
- In timp di ricreazion un dai frutats grancj a tacarin a menà ator Milio par cheste robe.
- - Tu sês chel che al busse la mestre – al diseve riduçânt in mût iritant. - Sì – al disè Milio. - vûstu che lu fasi ancjemò? -
- Ma no lu fasè. A fo dome une volte e mai plui. E la mestre no se cjapà cun Milio par colpe di che bussade, nancje i pensà!
- A jerin putropis robis che Milio al faseve parcè che i vignivin dal cûr. In tal timp de mirinde, al jere usât a cori al Ricovar dai puars par lei il “ Gjornâl dal Smaland “ A Tite il Gnogno e a chei altris vecjos. Come che tu viodis, Milio nol jere trist, anzit!
- Cuant che al rivave Milio al jere il miôr moment de zornade: cheste a jere le opinion gjenerâl tal Ricovar dai puars. Lu pensave Tite il Gnogno e Zuan Mieç Bêç. Dute Vues e Carli il Spiet, e vie indenant. Tite il Gnogno forsit nol capive masse, parcè che cuant che Milio i lee che a sarês stât un grant bal, al Hotel de Citât di Eksjo la sabide dopo, Tite il Gnogno al batè lis mans cun vivôr e al disè:
- Amen, amen, sì, sì, e amen! -
- Ma la robe principâl a jere che a Tite e a ducj chei altris ur plaseve sentâsi li a scoltà Milio che al leieve. Dome a la comandante la robe no i plaseve, par vie di che volte
Nessun commento:
Posta un commento