86 (260)

La matine dopo si sveà di buine ore e al sintì Fredo e Line che tabaiavin in cusine intant che a preparavin il cafè. Inalore al saltà ju dal jet parcè che al veve di contà a Fredo che al veve otignût in regali Scriç.
• - Il paron di besteam Milio Svensson! - al disè alore Fredo fasint une riduçade. Ma Line a dreçà a colp il cuel e a clocà un tralalà che a veve a pene inventât, intant che stave a molzi lis vacjis. Po a cjantà:
• La mame lu à puartât a la Leghe
• om lu àn fât di purcit che al jere.
• Cjoc, lu à prometût e zurât,
• nol sarâ mai plui
• e cussì par simpri i àn dât
• il purcit che nol è plui.
  No si pô imagjinâsi une cjançon plui stupide.
• “ par simpri i àn dât il purcit che nol è plui!” a jere une robe di stupits, ma a someave a Line: no saveve fâ di miôr.
• Intant par Fredo e Line a jere rivade la ore di lâ tal cjamp di siale cul pari di Milio e Nene Marte.
• La mame di Milio a restà a cjase cui fruts.
• E a jere vonde contente, parcè che al jere il dì che la siore Petrell a veve di vignî a cjoli lis sôs butiliis di vin e la mame di Milio no veve plasê che il pari di Milio si cjatàs tai contors in ta che circostance.
• A jere une otime robe liberâsi di chês butiliis, a pensave