de cjamare di
jet dongje dal jet dal pari.
“ Ce biele
ecitazion che sarà cuant che si svein ducj e a viodin i miei
gjambars! ! Al pensà Milio e poi si impirà strac e content tal so
jet e si indurmidì.
Dut al jere
cidin in te cjamare di jet. Si sintivin dome lis lizeris sofladis
dal pari di Milio che al ronceave. E cun di plui un inciert strissinâ
di gjambars che si rimpinavin un su chel altri. Cussì come che a
fassin i gjambars.
Il pari di
Milio si alçave une vore di buinore ogni matine, e lu fasè ancje
chel dì. L'orloi di mûr de cjamare di jet al veve a pene batût i
siei cinc colps, che lui al tirà vie la cuvierte e al sburtâ lis
gjambis fûr dal ôr dal jet; po al restà sentât un moment par
sveâsi.
Si stirà, al
sossedà, si tirà un pôc i cjavei e al disdulià i poleârs dai
pîts. Une volte i jere lat il poleâr dal pît cjamp in tun tramai
pes surîs che Milio al veve sistemât, e dopo chel muardon il poleâr
dal pît i jere restât indurît e bisugnave dismolâlu
Nessun commento:
Posta un commento