Invezit
chel dì Fredo nol palà la nêf. Il sô puest inte taule de cusine
al restà vueit, a ore di gulizion, e lui no si fasè sintì. Milio
al scomençà a preocupâsi. Al metè barete e capot e al lee di fûr.
Al cjapà la pale di nêf, fûr da puarte de cusine, e al palà svelt
un troi fin ae cjasute dal famei, che a confinave cul laboratori dal
marangon.
Line
lu olmà pal barcon e a fasè segn di sì cul cjâf sodisfate.
Al
è furbo Milio a gjavà la nêf, cussì al pues lâ dret in tal
laboratori dal marangon a la svelte, tant, i tocje simpri di un
moment al altri.
Che
stupide! No veve capît che Milio al lave di Fredo!
Al
jere frêt te cjamare dal famei cuant che Milio al jentrà. Fredo nol
veve impiât il fûc. Al jere distirât sul sô sofà – jet e no si
voleve alçà. Nol veve nancje fan, a jere di sigûr une robe grave.
Milio
al metè i lens tal camin e al impià, e po al corè a cirì la sô
mame. A rivà la mame, a rivarin ducj: il pari di Milio, Line, Nene
Marte e la piçule Ide, parcè che cumò a jerin ducj preocupâts par
Fredo.
Puar
Fredo, al jere distirât cui voi sierâts. Al jere bulint come une
stue, e chest ancje se al tremave. Lis strissis rossis si jerin
rimpinadis su bande la lesine çampe: al veve un aspiet trement.
Nene
Marte a niçave il cjâf preocupade.
Nessun commento:
Posta un commento