91 (265)

un pôc di matine. Intant al pari di Milio al jere dut cjapât movi e a dismolà il so poleâr dal pît, al petà un berli cussì grant che la mame di Milio e la piçule Ide, spauridis, a forin discjoltis dal sium. A crodevin che il pari di Milio al fos almancul sul point di jessi sassinât. In efiets al jere dome un gjambar che i veve gafât un poleâr dal pît, chel stes che prime al jere restât cjapât tal tramai. Se ti è mai tocjât di ve un poleâr dal pît cjapât tra lis sgrifis di un gjambar, alore tu sas che al è scuasi plasevul tant che velu sierât in tun tramai: tu sês grampât tal stes mût. I gjambars a son des carognis ustinadis: a restin tacadis, par lôr a jê cuistion di vite o di muart e a strenzin simpri plui fuart. Figurâsi se il pari di Milio al berlave! Cun plui a sberlavin ancje la mame di Milio e la piçule Ide, parcè che cumò a viodevin i gjambars, lis centenârs di gjambars che si strissinavin sul paviment. Sigûr! A fo une ecitazion di no ve une idee!
Milio! - al sberlà il pari di Milio cun dut il flât che al veve dentri, in part parcè che al jere rabiôs e in part parcè che al veve bisugne di un pâr di tanaiis par cjapâ il gjambar, e al voleve che Milio i es puartàs. Ma Milio al continuave a durmì e no jerin berlarili tal mont che podessin sveâlu. Il pari di Milio al fo costret a saltà su di une gjambe fin a le cassele dai imprescj,  che a jere tal armâr de cusine, par cjoli lis tanaiis. Cuant che la piçule Ide lu viodè saltà sul paviment cul gjambar che si drindulave tacât al poleâr dal pît i fasè mâl il cûr al pinsîr di ce che Milio si pierdeve durmint.