plui de scrove e lâ di corse
bande il paîs cun tune gnove di fâ pôre.
— Cumò e jê propit finide pâl
bon paron di Katthult! — a sberlave. — Milio, chel disgraciât, lu à batût cussì fuart che al spissule sanc! Misericordie,
misericordie, puars nô!
Ma cuant che la mame di
Milio a lampâ ce che al jere sucedût, cjapà di gnûf Milio par man e lâ di corse
cun lui a dute velocitât in tal laboratori dal marangon. E intant che Milio,
simpri in cjamese di gnot, al stave li a intaiâ il so novantenufesim pipinot di
len, la mame di Milio a sudà siet cjamesis par netâ so pari.
— Viôt di fâ in mût di salvâ
almancul trê. o cuatri tocuts di mule al disè il pari di Milio, ma la mame di
Milio a niçâ al cjâf.
Nessun commento:
Posta un commento