34 (106)

Ma no sta crodi che, a dispiet di dut, Milio al pierdês il coragjo! In tal mieç dal prât a jere la mace di une bandiere e Milio si rimpinà propit parsore dulà che ducj a podevin viodilu, e po al sberlà cun dute la fuarce:

Cui mi ricognossie? O ài pierdût gno pari!

Alc al stave capitânt lâju, te confusion di contadins e di vacjis e di cjavai. A fo come une corint vie pe fole, cualchidun al rivâ a dute velocitât cuintri la mace de bandiere, e nol jere nissun altri che so pari.

Toni Svensson al scjassà so fi da mace de bandiere come un miluç madûr di un miluçâr, e po al cjapà pe orele.

— Peste di un fantat! al disè. — Dulà ti jeristu imbusât? Vevistu di scomençâ daurman a disparî?

Milio nol veve timp par rispuindi.

— Ven — al disè. — Al è un cjaval che tu âs di viodi.

E dal sigûr che il pari di Milio al podè viodi il cjaval, ma al jere bielzà vendût! Milio e so pari a rivarin juste in timp par viodi il marcjadant di cjavai che impugnave il so tacuin e al tirave fûr trê biliets di bancje, di cent che al metè in man al contadin.

Inalore Milio al vaì.

—Al è propit un bon cjaval? al diseve il marcjadant di cjavai.

— Sì, al è un magnific cjaval! — al diseve il contadin. Ma tal dilu, al cjalà in bande, e al someave che al pensàs a alc.

— Nol è ancjemò ferât, o viôt! — al disè il marcjadant di cjavai.