A lis cinc di matine, cul scûr penç, Fredo al tacà i
doi cjavai Markus e Julian a le caroce a doi cjavai e la caroce a menà vie dute
la int di Katthult: il pari di Milio e la mame di Milio, Fredo e Line, Milio e
la piçule Ide. Dome Nene-Marte a veve di restà a cjase a viodi dai nemâi.
— Puare Nene-Marte, ti plasaressial lâ a le fiere
ancje tu? al disè Fredo che al jere une anime buine.
— No soi mighe mate jo! — a disè Nene-Marte. —— Vuê,
propit cuant che al à di passâ la grande stele comete! Ah no gracie! O vuei
murî a cjase mê!
E jere vêr: la int te regjon dal Smaland a stave
spietânt une grande stele comete, e sul gjornâl di Vimmerby al jere stât subit
scrit che la stele comete a sarês rivade propit il 31 di Otubar e salacor a
sarês colade jù e a varês trussât il globi de Tiere tant di parâlu in mil fruçons.
Tu no tu sas di ce esemplâr di stele comete che si tratàs,
e ancje jo la sâi a pene, ma o crôt ce al fos il toc di une stele che si jere distacât
e al jere colât scomençânt a lâ atôr tal vueit un pôc cemût che j pareve e
plaseve. Ducj i abitants de regjon dal Smaland a vevin une pôre mate di che
stele comete che intun moment al veve di mandâ a tocs dute la Tiere e meti fin
a dut chel che al jere divertent.
— E naturalmentri chel mostro al veve di sielzi propit
la zornade de fiere di Vimmerby — a disè Line rabiose. — Ma fâs di istès,
salacor no a rivarà prime di sere, cussì o varîn il timp di fâ lis robis plui impuartantis!
A riduçâ cun mignagnule e cul comedon a petà un colp
a
Nessun commento:
Posta un commento