tramais di pantianis e le
pastele di mule o di patatis e robis dal gjenar.
Sabide 28 di Lui al jere daûr
a finî. Milio al jere sierât in tal laboratori dal marangon e al deventave
simpri plui furiôs. Nol jere cussì che si jere imagjinât il jubileu dal so centesim
pipin di len. Par prime robe a jere une sabide sere, e varessial podût invidâ
Fredo a une fiestute in tal laboratori dal marangon? Il sabide sere Fredo al
veve altri di fâ: al veve l’usance di sentâsi sui scjalins dal so lozament e al
faseve fieste cun Line sunant la armoniche par jê. Nol veve pardabon timp pes
fiestis di Milio.
Milio al butâ vie il so
curtìs. Nol veve nancje Fredo, al jere dal dut di bessôl, e plui al pensave a
cemût che la int si compuartave cun lui, plui si sustave. Ce sisteme jerial mai
chel: fâlu sentâsi li, cun la sole cjamese, dilunc dute une etene sabide, cence
nancje il timp di metisi intor dai vistîts e fâlu cori e tornà a cori dentri in
tal laboratori dal marangon! Ma se al jere propit tal laboratori dal marangon
che a volevin tignîlu, cumò a varessin viodût!
Milio al batè il pugn sul
banc di marangon al pont di fâlu tremà. Sì, cumò a varessin viodût! Al cjapà
une tremende decision. Al sarês restat tal laboratori dal marangon pal rest de
sô vite. Dome cun la cjamese intor e cu la so barete sul cjâf, di bessôl e bandonât
di ducj, al sarês restat a sentâsi li fin a le fin dai siei dîs sule tiere.
« Cussì finalmentri a saran
ducj sodisfats e no saran plui corsis sù e jù dibant » al pensave. « Ma che
Nessun commento:
Posta un commento