un cjamin, inalore tu sâs trop che al è intrigôs e
cemût che al pues jessi osteôs ma chest nol podeve discjoli Milio.
Line, che puare
creature, e jere sentade sui scjalins de cjasute dal famei, cui braçs ator dal
cuel di Fredo e no scrupulave nie. Ma Milio al veve dit che je e varês fate paiâ,
e cussì al fo. Sul plui biel, j tocjà di alçâ i voi par cjalà la Lune, e un
lamp dopo a sbrocâ fûr in tun berli che al fo sintût in dut il paîs di Lönneberga.
— Al è un fantasiin! — a sberlâ Line. — Al è un fantasiin sul fumarûl!
La int dal Småland, une volte, a veve pôre in
mût trement dai fantasimis e Line a veve par sigûr sintût lis spaurosis contis
di Nene-Marte sù dutis lis pussibilis specie di fantasimis teribii che un al
podeve cjatâ par câs. Par chest si metè a berlà a salvadi vie, cuant che a
lampâ un, li sul fumarûl, piçul e neri tant che la gnot, e menaçôs. Ancje Fredo
al cjalâ il fantasiin, e si metè dome a ridi.
— Chel piçul fantasiin
mi somee di cognossilu.
— al disè. — Ven jù, Milio!
Nessun commento:
Posta un commento