— Chel che al jê pierdût al
jê pierdût. O fasarìn lis fritulis di alc altri.
— Ah! Ah! No mangjin nie fin a
ore di cene!
— A cjantuçave la piçule Ide,
ma po a tasè, parcè che a lampâ i voi di so pari in mieç de pastele da mule, e
a olmâ une voglade suturne.
La mame di Milio a metè Line
a spelâ patatis pes fritulis di patatis. Pôc timp dopo Line a veve bielzà dât
dongje une gruesse, biele pastele grise-zale tal plat di crep che il
pari di Milio si jere gjavât fûr parcè che nol intindeve lâ atôr dut le zornade
come un vichinc.
A pene si fo netat a la
buine di Diu, il pari di Milio si inviâ pai cjamps par scomençâ a bati la siale,
in aspiet che lis fritulis di patatis al fossin prontis. La mame di Milio a
molà fûr Milio dal laboratori dal marangon.
Milio al jere restat cuiet
par masse timp. Cumò al sintive le bisugne di movisi.
— Zuin a « tone la bufule » —
a disè a le piçule Ide, e Ide si metè a cori a colp. « Tone la bufule » a jere
in realtât un zûc par cori che Milio al veve inventât. Si faseve cussì: un al
coreve a brene vierte, de cusine a le jentrade e de jentrade a le cjamare di
jet, de cjamare di jet a le cusine e de cusine di gnûf a le jentrade, atôr atôr
cence polse. Milio e Ide a corin ognidun par cont so, e ogni volte che si cjatavin,
si ficjavin l’un l’altri un dêt te panze e a sberlavin: « Tone la bufule! ». Ve
ca parcè che il zûc si clamave
Nessun commento:
Posta un commento