cemût che lu varês volût! Si cjalâ ator cirint so
pari par podê scomençâ une lagne cussì insistente di obleâlu, par finîle, a comprâ il
cjaval.
Ma piês di cussì nol podeve capitâ! So pari al jere sparît.
Al jere sparît in tal mieç de fole di contadins vosants e fra i cjavai che sgagnivin
e ripavin e lis vacjis che muivin e mungulavin in tune uniche grande confusion.
« E jê simpri la stesse robe! » al pensâ Milio cun
marum. No si pues puartâlu di nissune bande cence che lui al sparîs e jê la
prime robe che al fâs! »
E cumò a jere premure. Al jere bielzà rivât un
impuartant marcjadant di cjavai e al fissave la voglade sul cjaval di Milio.
— Trop costial chest chi? — i domandâ al contadin che
si ocupave dal cjaval.
— Tresinte coronis — al disè il contadin e Milio al vê
mal di stomi cuant che al sintì. Tirà fûr tresinte coronis di so pari, al jere
come gjavâ sanc dal mûr. Chest lu saveve.
« Di stes o vuei tentâ! » al pensâ Milio, parcè che
al jere il fantat plui testart di dute Lönneberga e di dute la regjon dal
Småland. E si butâ te barufe tal tentatîf di cjatâ in doi e doi cuatri so pari.
Al lâ di corse di ca e di là, si si scalmanà vie vie simpri di plui, al cjapà
di buride e al tirâ ducj i pussibii contadins che al crodeve a fossin so pari parcè
che a someavin identics di daûr. Ma cuant che si ziravin, inalore a jerin
simpri contadins, no cognossûts di cuissà indulà e mai Toni Svensson di
Katthult a Lönneberga.
Nessun commento:
Posta un commento