lontan dal prât dulà che si faseve il marcjât dai
nemâi, ducj a vevin putropis robis di fâ. La mame di Milio cu la piçule Ide tacade
de cotule a lâ a comprâ un cuader turchin e a vendi lane e ûfs che a veve
puartât cun se a le fiere. Line à volût lâ daurman cun Fredo in scaletarie a
bevi il cafè, e a rivâ a strissinâ cun se, cundut
che lui
tal imprin si tiràs fûr e al cirîs di di distacâsi par lâ cun Milio e il pari
di Milio fin al marcjât dai nemâi.
Se tu sês stât cualchi volte a Vimmerby in tun dì di
marcjât, inalore tu sâs ce che al è il marcjât dai nemâi. Tu sâs che al è jê
propit li dulà che si fasin il cumierç des vacjis e i scambis di cjavai. Al fo
li che Milio al decidè di lâ a colp e so pari nol vê nie in contrari a lâi daûr,
cundut che nol pensàs di comprâ nie ma al volês dome cjalâ.
— Visiti che o sin invidâts a gustà de siore Petrell a
misdì— a disè la mame di Milio, prime di disparî cu la piçule Ide.
No sta vê pôre che jo o dismentei une robe dal
gjenar! — al disè il pari di Milio e si inviâ cun Milio.
Ma no jerin ancjemò passâts cinc minûts di cuant che
Milio al jere rivât al marcjât cuant che al lampâ il cjaval! Il cjaval che lui
al voleve vê e che i fâse bati daurman il cûr cemût che no i jere mai sucedût
prime. Ce cjaval! Al jere un piçul biel cjaval bai di trê agns. Al jere peât a
un pâl e al cjalave cun dolcece Milio come se al speràs che Milio al volês
comprâlu. E Milio lu voleve comprâ, oh
Nessun commento:
Posta un commento