Lunis
26 di Dicembar: cuant che Milio al fasè un grant tratament a
Katthult e al cjapà la comandante tal tramai dai lôfs.
Prime
che a rivàs Nadâl, si scugnive passâ par traviers de frede e
ploiose e scure Sierade, e no jê parbon particolarmentri divertent
di nissune bande. Nol jere nancje a Katthult. Fredo al lave daûr dai
bûs sot la ploie batint e al arave i terens plens di claps, e dopo
di lui, tes busis de vuarzine, al cjaminave Milio. Al judave Fredo a
tirâ sù i bûs che a jerin cussì bagnâts e mâl metûts di no
rindisi nancje cont di ce che stessin fâsint. Ma al deventave scûr
di strade e cussì a tornavin a cjase a buinore: Fredo, Milio e i
bûs. Po Fredo e Milio a jentravin in cusine cui stivâi plens di
pantan fâsint cuasi simpri fiscâ Line che difindeve il so paviment
a pene freât.
— Cussì
tichignose! — al disè un dì Fredo. — chel che la maridarà nol
varà un moment di pâs te sô vite di chest mont.
Nessun commento:
Posta un commento