78 (150)

La comandante lu sigurà che no vevin viodût nissun britulin.

E inalore Milio al disè:

• Jerie buine la luianie? E la gjeladine e dut il rest?
  La comandante a sbassà i voi e a cjalà fîs i soi pîts grues.
• - Sigûr, sigûr! A disè di corse. - Ah, la buine mame di Katthult, jê a sa simpri di ce che àn bisugne i puars. Saludile di dut cûr! -
  E inalore Milio al disè ce che al jere vignût a li a dî, ma lu disè di scjampon e par nie come alc di impuartant.
• - La mame e il pai a son lats a la fieste di Skorphult – al disè.
• La robe a disveà l'interès de comandante.
• - A jê une fieste a Skorphult, vuê? No lu savevi!
• - No, parcè che se no tu saressis lì za di un biel pôc di timp – al pensà Milio. Al saveve ae perfezion, come che lu savevin ducj a Lonneberga, che se a jere une fieste di cualchi bande, in pôc timp a sarès stade la comandante su la puarte da cusine. A si podeve zurà. E no si disbratavisi di jê cence vei fât cerçà prime almancul un pôc di torte di formadi. A varès traviersât il fûc e la aghe par vê un pôc di torte di formadi. E se tu cualchi volte tu vessis partecipât a une fieste a Lonneberga, tu savaressis che a son lungjis filis di tortis di formadi in grandis formis di ram lusintis su la taule. Puartadis dai ospits in don come auguri. Cussì si dîs a Lonneberga.