La sere, cuant che Milio e Ide a
jerin aromai tal jet te lôr stanzie, e tornarin a cjacarà di lôfs.
- Al è un ben che no sidin tai nestris timps - a disè Ide.
- - Pardabon, no son?- a disè Milio – Cemût fâstu a savêlu, se no tu âs nissun tramai par cjapâju? -
- Al restà sveât a dilunc a pensai parsore, e plui al pensave e plui al jere sigûr che se un al vês vût un tramai, dal sigûr al varès cjapât un lôf. E svelt come che al jere, za la matine dopo, al scomençà a sgjavà une fuesse par lôfs tal toc fra il laboratori dal marangon e il camarin. Al jere lì che di Istât a menavin tantis urtiis, ma cumò a jerin distiradis par tiere neris e flapis.I vûl une vore di timp par sgjavâ une fuesse pai lôfs, fonde come che à di jessi parcè che il lôf nol puedi saltà fûr une volte che al è colât dentri. Fredo al judà Milio dant ogni tant un pâr di paladis, ma cun dut achel, la fuesse no fo pronte che sot Nadâl.
Nessun commento:
Posta un commento