64 (136)

mi somee – a disè Line.

Inalore Nene Marte si inrabià, parcè che jere vecje, ma no cussì vecje come che a crodeve Line.

• Tu cjacaris cun chel pôc che tu âs te coce – a disè Nene Marte ofindude e no voleve contà plui nie. Ma Milio si metè a insisti e a le fin si decidè e a contà pardabon robis teribilis sui lôfs e robis interessantis su cemût che si fasevin i tramais par cjapâju cuant che a jere frute.
• - Cussì Carli XII al podeve sparagnâsi di vignì!. A scomençà Line, e a tasè daurman. Ma masse tart. Nene Marte si inrabià di gnûf e no jere di ce maraveâsi.
• Carli XII al jere un re vivût centenârs di agns prime e jê no jere po cussì vecje e carampane.
• Ma Milio al bateve ancjemò. E inalore a scomençà a tabaià dai oms lôfs che a jerin i plui teribii di ducj e a vignivin fûr di scuindon dome cuant che al jere il clâr di lune. I oms lôfs a savevin cjacarà, a disè Nene Marte, parcè che no jerin lôfs comuns, ma alc di mieç tra i lôfs e i oms e la sorte plui pericolose. Se un al intivave un om lôf tal clâr di lune al podeve dì mandi al mont, parcè che no jerin bestiis salvadiis piês di lôr. E ve ca parcè che la int a varês fat ben a stâ in cjase te gnot di lune plene, a disè Nene Marte e a cjalà Line cun voli furiôs.

• Ancje se Carli XII...- a scomençà Line.
• Inalore Nene Marte a slontanà di sé l'argagn par sgarzâ la lane e a disè che cumò a scugnive là a cjase, parcò che si sintive vecje e strache,