71 (143)

• Milio e Ide a tornarin cjase, e ve ca che a rivà la vilie di Nadâl. A Katthult a jere une zornade biele e divertente come il dì di Nadâl. A lavin a messe te glesie di Lonneberga, e Milio al jere tes sôs gloriis pe gjonde intant che a corevin cu le slite di vencs, parcè che Luche e Marc a jerin cussì veloçs di fa sgurlâ la nêf intor dai çucui e a lassavin tant indaûr lis altris slitis.
• Dilunc vie dute la messe di Nadâl Milio al restà sentât calm e cidin. Si compuartà tant ben che so ,mari a scrivè tal cuader turchin; “Chel fantat al è une vore religjôs e nol fas baronadis in glesie. Lì almancul no”.
• Par dut il lunc dì di Nadâl Milio al continuà a jessi une vore bon. Lui e Ide a zuiavin cun trancuilitât cui lôr regâi e su Katthukt a regnà la plui splendide pâs.
• Po al rivà Sant Stiefin, il dì dopo di Nadâl, e il pari e la mari di Milio a vevin di là a un tratament a Skorphult che al jere di là di Lonneberga. Ducj a Lonneberga a cognossevin Milio e par chest i fruts no jerin invidàs.
• - Ben, ben, mi fasin fûr! - al disè Milio. - Piês par lôr! Puarets, in chest mût no podaran mai incuintrâmi!
• - No, e nancje me! A disè Ide.
• Al jere programât che Line a restàs a cjase a viodi dai fruts ta chel dì, ma a scomençà a lamentâsi za di matine a buinore parcè che a voleve a ducj i coscj là a saludà so mari, che a jere a sta in tune cjasute a Skorphult. Line a veve za calcolât che al sarès stât comut profità de slite, dal moment che a vevin di là