— Nol
à nissune impuartance — al disè Fredo. —- Tant i lôfs no
vegnin fûr dai boscs prime che al sedi Invier e frêt e no sidin
plens di fan.
La
piçule Ide si sgrisulà di pôre cuant che a pensà ai lôfs plens
di fan Lâju tal bosc, che e saressin rivâts, lânt indenant a pas
luncs tal cjaminâ, te frede gnot d’Invier e varessin scomençât a
urlâ oltri il cjanton . Ma Milio no si sgrisulà di pôre. Al
cjalave Fredo cun voi sflandorôs e si legrà a le idee dal lôf che
al sarês colât te sô fuesse.
— Cumò
no mi reste che taponâle cun arbossits e ramaçs parcè che il lôf
nol viodi dulà che jê la fuesse! — al disè content e Fredo al fo
dacuardi.
— Just!
« cun le furbetât si oten dut » cemût che al dîs simpri Tite al
Gnogno.
Al
jere un mût di dî a Lönneberga, ma Fredo nol varês vût di tornâ
a dilu, parcè che Tite al Gnogno al jere nuie di mancul che so nono
e al stave tal Ricovar dai puars di Lönneberga, e no si à di
scherçâ cul propit nono. Ancje se Fredo nol intindeve jessi trist.
Al diseve dome chel che a disevin ducj chei altris.
Cumò
nol restave che spietâ che il lôf d’Invier al rivàs. E al rivâ
parbon. Pôc prime di Nadâl il cîl si scurì e al fâse plui frêt
e prime pussibil al scomençâ neveâ che a jere une vere gjonde. Al
neveave sù dute la colonie di Katthult e sù dut il paîs di
Lonneberga e sù dute la regjon dal Smalland, fin che dut al deventà
come une imense sfilzade di nêf. Al rivâ cuasi a ret des
stangjadis, che a restavin fûr dome di chel tant che al servive
Nessun commento:
Posta un commento