a
disè Dute Vues. La comandante a jere restade dut il dì su tal so
cjast cu lis cjandelis impiadis su le taule e a veve mangjât
luianiis e budin di mule e persut e panins di lat e cul zafaran tant
di sclopâ, che grasse strie, ma ju tal Ricovar ducj chei altris a
jerin restâts sentâts lunc i mûrs; a vaî, parcè che a vevin dome
un pocje di renghe salade di mangjâ cundut che al jere Nadâl.
E
di stes al fo il dì di Nadâl. La comandante a zurà ancjemò une
volte che nissun nol varês vût nancje un tocut di budin di mule se
prime il lari de luianie no si fos fat indenant confessânt che a
spietave che chest al sucedês, a jere stade su te so stanzie a
mangjâ e mangjâ cence cjacarâ cun nissun. Dute Vues le veve spiade
di persone pe buse de sieradure une volte a ore cirche e a veve
viodût come che dutis lis buinis bocjadis che la mame di Milio a
veve mandât, un pôc par volte a sparissin re so bocje largje. Ma
cumò a veve dal sigûr pôre che Tite il Gnogno al fos lat a
Katthult a cjacarâ, parcè che al veve dit a Dute Vues che a cost di
ducj i coscj a veve di fâ in mût che lui al tornâs a cjase dal
lamp.
-
Par chest la miôr robe a jê che o ledin cumò, Tite. - a disè Dute
Vues.
-
Sì, nono - al disè Fredo. - Disgraciât al è chel che al è puar!
Milio
nol disè nie. Al jere sentât su le casele dai lens e al crustave i
dincj di rabie. Al restâ sentât lì fin a tant timp dopo
Nessun commento:
Posta un commento